اليوم عم أدرس تشريح مشان الفحص و للي ما بيعرف قربت الفحوصات ... هل الاسبوعين كانو كلون مذاكرات ... و هلق عنا تلت فحوصات بنفس الاسبوع ورا بعض ...
قربت الفحوصات ...
اليوم من بدايتو عم أدرس فيزيولوجيا مشان مذاكرة التنين ... هل الأسبوع عنا مذاكرتين و الأسبوع اللي بعدوا عنا تلت مذاكرات ...
الكتاب الأول من سلسلة الدكتور ابراهيم الفقي ...
اليوم خلصت الكتاب الأول بعنوان أيقظ قدراتك و اصنع مستقبلك ... الكتاب احتوى على تبحر بشكل كبير ... مع هل الشي ما كان الكتاب ضعيف أو حتى ممل ...
صورة تلخيص كتاب ايقظ قدراتك و اصنع مستقبلك ...
الصورة هي التلخيص الاساسي للكتاب ... و اللي هو كتاب عظيم جدا ...
لح حمل الكتاب بعد شوي لاني مشغول بسبب المذاكرات تبع بكرا ... بس هاد هو التلخيص الاساسي ... بتمنى يعجبكون ...
ومازال العمل مستمرا ...
تم كتابة هذا الموضوع بتاريخ ١٠\١٢\٢٠١٤
طب الوقاية ...
اليوم كان عندنا فيزيولوجيا... وصلت على المحاضرة و فهمت كل شي ... بالمعنى الحرفي بدون استثناء ... و هاد الشي كتير غريب بالنسبة لألي ...يعني يادوب أفهم شي بالمحاضرة ...
مازال العمل مستمراً ؟
اليوم متل بقية أيام الأحد كتير حلو ... ضليت قاعد بالبيت و عم حاول لاقي برامج أحسن مشان الفيديوهات ... بالتأكيد بعد ما خلصت دراسة قريت كم شغلة عن البرامج و قررت أنقل الشغل للكمبيوتر ..
الطبقات ببرامج التصميم ... layers
اليوم تابعت مع محاولاتي بالفيديو ... كتير تحسن مستوى الفيديو عن قبل ...
أول تجربة مع الفيديوهات ...
دخلنا بالأسابيع الآخيرة تبع الفصل و قربنا على مذاكرات العملي ... الأسبوع هاد عنا مذاكرت النظري تبع العملي ... و اللي بعدوا عنا مذاكرات العملي تبع العملي ...
بقدر أفهم الناس ... وهاد دليل ...!
الكيميا وحدة من المواد اللي ماحدا بيقدر يساعدك فيها ... لانو المجهول ما حدا بيعرف أديش قيمتوا ...
ممكن الواحد يدرس عربي من قاموس ؟
أي خلصنا اليوم من التشريح , و الحمد الله كانت كتيير بايخة ... كم صورة و كم مسمى و الوقت ممتاز ... مقارنة مع الملف الللي كنت عم أدرس منو, التشريح كانت لعبة ...
لح أرسب بالتشريح ... و ما بدي ابخش حالي ...
اليوم كان عنا جلسة فيزيولوجيا ... عن تخثر الدم ... المضحك بهل الجلسة أنو لازم نبخش واحد من الطلاب مشان نحسب زمن التخسر و زمن السيلان ...
عدنا ....
بعد ما غبنا لوقت طويل عدنا ... كانت في مشاكل كتيرة و حدة ورا وحدا و التهيت لمرحلة ما عاد فيني أكتب و خصوصاً أنو النت كان أكبر مشاكلي ...
اليومين الرابع عشر و الخامس عشر
اليومين الأخرانيات بالأسبوع التالت ... الحضور كتير قليل و معظم الطلاب مسافرين ...ما صار كتير شغلات خيالية ...
بكل الأحوال نتائجالمفاضلة صدرت و الطب ٢٣٥.٨ مبروك لكل الطلاب اللي انقبلوا بالكلية ...
مازال العمل مستمرا...
وتم كتابة هذا ااموضوع بتاريخ ٤/١٠/٢٠١٤
اليوم الثالث عشر | تشريح
عم أتحسن الحمد الله ... اليوم هو الثلاثاء ... و العملي تشريح على أساس التشريح على الساعة تنتين إلا ربع ...
بالنسبة للمعلومات اللي بنقراها على النت ...
وحدة من الشغلات المزعجة كتير هي أنك ما بتعرف شو الشي الصحيح و شو الشي الكذب ... يعني بتفتح على النت و بتقرا الشكولا لاتسبب السمنة ... ؟ كيف يعني هل الكلام . شو شركة كيتكات كتبة هل الكلام ...
اليوم الثاني عشر | أول يوم بغيب فيه .
للأسف هاد أول يوم بغيب فيه عن السنة التانية ... السبب و بابسط أشكاله ... الرشح ... متل ماوضحت أنا بكره الرشح و بكره فكرة أني أوصف لحالي دوا و مألتزم بالدواة ...
اليوم الحادي عشر | بعتذر على التأخير بالمواضيع ...
أولاً مرحباً ...ثانياً بالنسبة لنشر المواضيع قدرت حصل تغير من هون لوقت ما لاقي حل لمشكلة النت ...
ثالثاً و أهم الشي :بعتذر عن كل الأيام اللي ما نشرت فيها .. كان بودي بس ما كنت قادر علىا لنشر بسبب عدم توفر ... و الحمد الله رجعنا ...
اليوم التالت
دكتور النسج مزعج ... أخد ساعة و عشر دقايق اليوم وماكان يخلص حكي ... وعطانا كمية كبيرة بيوم واحد...
لساتا الجامعة صعبة ... بس ماخرجي بلش نق من هلق ... لساتنا سنة تانية ... و بأول أسبوع ...
لسا مانزلت فئات العملي ... و بتوقع أطلع فئة تانية ... هاد على حساباتي ...مابضمن شي ...
مازال العمل مستمراً ...
وتم كتابة هذا الموضوع بتاريخ 16/9/2014
اليوم الرابع
هاد أول يوم مابحضر فيه كل المحاضرات ... على مايبدوا شغلة الالتزام هي صعبة شوي ... بعد تلت ساعات صرت مستوي و موخرج أحضر شي ...
اليوم الخامس... نهاية الأسبوع
هاد اليوم هو نهاية الأسبوع الأول ... نزلت الفئات و طلع فئة تالتة ... الحمد الله ...
اليوم السادس
حاسس حالي وأنا عم أكتب كأني عم رقم الأيام تبعي و عد كم يوم بقيان لانتحر ... طبعاً أنا من العالم اللي ما بيأمنوا بالأنتحار ... لانو قد من كان الجو بشع هون أكيد بجهنم أبشع ... بقا تحمل و حاول تعيش مع هل القصة ...
اليوم السابع | الدكتور مضر
اليوم هو يوم التنين ... أول أيام العملي ... بالنسبة لدكتور الفيزيولوجيا,لساتو أفضل دكتور لهلق ...
النسج صارت غليظة و مملة و الحضور صاير صعب ... كل يوم عم أحضر فيه عم حس حالي عم يديق خلقي أكتر و أكتر ...
اليوم التاسع | عم أدرس ...
اليوم الرابع بالاسبوع التاني ... المواد مملة و طلعت من المدرج بعد تشريح العصبية مباشرة ... وقعدت بمكتبة الصيدلة ... بلشت أول شي بالعب و بعدين صرت أدرس ... خلصت محاضرتين ... منيح أحسن من بلا ...
اليوم التامن | الدكتور تبع حدود الصدغي بيرعب ...
اليوم التالت بالاسبوع التاني ... ما حضرت أنجليزي مشان أتسلى ... و تشريح العصبية كالعادة الدكتور مضر و حديثو عن الشرايين و العضلات تبع العنق ...
اليوم الأولى ...
اليوم هو أول يوم بالجامعة ... لساتني خايف من كلشي ... الطلاب تعدادهون هائل ... و لساتون بنفس المشكلة ... بيصوروا وفلاش و صوت ... شي يوم لح يعصب الدكتور لدرجة أنو لح يمنع هل الشي أو يحرد و يمنع الطلاب من التصوير بالأصل ...
اليوم الثاني
لساتا الجامعة بتخوف ... اليوم التاني متل اللي قبلو ... الحلو أنو الطلاب ما عم يحضروا بالعدد تبع هديك السنة , و في مكيفات .. يعني صار الجو أحلى بس تقعد بالجامعة ...
اليوم فات الدكتور مضر بدل من الدكتور بيان السيد ... و الطلاب كلون أنزعجو وصاروا يطلعو اصوات ... وهاد الشي وقاحة من جهة ... الدكتور لو فهم شو عم يصير لكن من سابع المستحيلات أنو نقدر نرفع قسمو لهل السنة ... و الحمد الله ما فهم الدكتور شو عم يصير ...
لهلق ملتزم بالحضور ... و أكتر مادة حبيتها كانت الفيزيولوجيا ... الدكتور ظريف ... وشغلات القلب حلوة كتيير ...
المهم مازال العمل مستمراً ...
وتم كتابة هذا الموضوع بتاريخ 15/9/2014
وللاسف لسا مافي نت ...
توضيح عن هدف المدونة ...
الهدف الرئيسي للمدونة هو التسلية ... وطلعت من الفيس بوك لانو البلوجر بيأمن قوالب شكلها حلو ... و لانو الفيس كتير تحول لكلام مسخرة و بلا طعمة ...
بمناسبة الجامعة ...
أولاً مبروك لكل الطلاب على السنة الجديدة بالجامعة ...
من جهتي حاسس حالي خايف ... و بتوقع هل الخوف بعد ما فتحت النت ... معظم الطلاب بالمجموعة بيكونوا مرعوبين و بيحكو بطريقة بتخوف بتخليك تحس كأنك ولد صغير مومجهز شي للجامعة ...
النباتات
عندي كميلية ... و اللي هي نبتة , على ما أعتقد ... هلق للصراحة في كتير وراق خضر فيها و بتطلع أحياناً ورود ... ما ممكن تقول عنها وردة ؟ ... ما بعرف بس المهم وصلت الفكرة ...
الرياضة 2
من فترة كنت عم أقرا بالكتاب الخاص بتمارين الرياضية , و اكتشفت نفسي عديم الليقة البدنية , و بلشت برنامج مشان حسن وضعي ( كلمة برنامج اتقل من الحقيقة ) أنا كل اللي عملتو كان أني صرت أعمل تمارين رياضية ... و للصراحة من زمان ما كنت مهتم بهل التمارين اللي بتتعلق بكمال الأجسام ...
قراءة الكتب
بالنسبة لقراءة الكتب ... أنا مو كتير قريان كتب بحياتي كلها ... من جديد صار عندي توجه للكتب ...
القصة بتزعل بمرحلة من المراحل ... عمري 19 سنة على ما اعتقد , و مضيت أول 16 سنة من حياتي و أنا بس عم أتفرج على التلفزيون ... و هاد الشي محزن كتير ...
قصة العربي
بالنسبة للي قلتو بتستطيع أكثر مما تعمل ... حكيت عن أني عندي قصة مشان العربي و القصة كالتالي :
أنا غبي كتير بالعربي و ما كنت جيب علامات عالية بالعربي ... بكل المواد بالمقابل كنت فهمان و بقدر استوعب شو عم يصير ... ما عدا العربي ... ما كنت أفهم شي أبداً ...
هل الغباء أكتشفتو بالسابع ... و قت جبت 46 من 60 بالعربي ... و هاد كان صدمة إلي ... يعني كان أكتر الشي ناقصلي 3 علامات بالانجليزي ... و 14 علامة بالعربي ... في تفاوت بالمستوى بشكل كبير ...
نستطيع أكثر مما نعلم
"نستطيع أكثرمما نعلم ".
هاد مو حكمة اليوم ... هاد من واحد من الكتب اللي عم إقراها و اللي عم تحكي عن تنظيم العقل البشري و اللي بيبلش من المرحلةالبدائية والمتمثلة بالطفولة الحالية ... وبعدين بيصل لمرحلة الإنسان المفكر ...
الثلاثاء 26/8/2014
كن لطيفا مع الناس في طريقك للصعود، :)
لأنك ستلتقي بهم مجددا في طريقك للهبوط .. ;)
عدنا ...
نحنا لح ننتقل لبيت جديد و من هدالك الوقت و أنا عم أشتغل بهل البيت مشان زبط الغراض لوقت النقلة ...
ألوان أصابيعي ...
باليوم التالت كان كتيير مستفحل الشغل ... و كنا عم نشتغل بكل أنواع المنظفات و الزبالة ... و باعتباري شب مفروض ما ألبس قفازات تبع الحماية ... و أعمل كل الغراض بأديي ...
العلقة بالأصنصير ...
الأصنصير أختراع عظيم ... كبيس زر و بينزل الطابق لعندك ... (بايخة ؟ ... بعرف ) ... بس المشكلة بس تطفي الكهربا و يعلق الطابق ... أنا خوفي على البناية ... كيف بدون العالم يفوتوا على البناية إذا الطابق معلق ؟ ( أبيخ ؟ بعرف بس عم نكت بكل الأحوال ).
معاملة مفتاح الأسطوح ...
الأسطوح هو هاد المكان الموجود على راس البناية ... و المفتاح عادة بيفتح باب ... و مفتاح الاسطوح بيفتح الباب اللي بيوصل على راس البناية ... و المعاملة بدها وقت ...
مخططاتي
لساتني على المخططات اللي حطيتها و اللي قائمة على فكرة تحسين الألماني عندي و تحضير كم محاضرة مشان السنة التانية و تزبيط أوضاعي بكلشي ...
اللغة بالنسبة إلنا ...
اللغة بالنسبة إلنا هي شي مفروغ منو ... متل أنو هيك مفروض نحكي وهي الطريقة الصح و بس ... بدون أي تفكير أو أي شي تاني عم نهمل بأنو اللغة عاجزة حتى عن التعبير عن اللي بدنا ياه ...
بكره الرشح 2...
متل ما كنت عم قول بالمقال اللي قبلو كل العالم بتصير دكاترة من حالا لحالا و خلص ما حدا أدي يا أرض أشتدي ...
تحضيري للسنة التانية
من مبارح و أنا عم جهز غراض مشان السنة التانية و بتمنى تكون حلوة للكل و لالي كمان ...
أهداف
للصراحة من زامن و انا كنت بحب فكرة السوارة أو السنسال أو الشغلات اللي على نفس المبدأ ... كنت شب و كنت مصروع و لهلق في شوية آثار لهل الصرعة و ضليت شبه مقتنع فيهون لمرحلة قررت فيها أنو موضروري أبداً ألبس هيك شي ...
أبحاثي عن السنة التانية
اليوم قريت عن السنة التانية و قريت المواد و اسماء الدكاترة ... حتى الآن حاسس حالي لح أبكي ...
ذكريات من البكلوريا...
مبارح ماكنت ملاقي حرف الذاي لأني عم اشتغل على تاب اشتريتها جديد ... لساتني عم اتعلم عليها و باختصار مالقيت حرف الذال وبعدين بعد تدوير كتير لقيتوا ...المهم ليش اشتريت التاب هلق ,لاني خفت انو يصير معي متل ماصار معنا بالبكلوريا ...
بكره الرشح و ....
بعتزر لأني مبارح ما قدرت أكتب بالمدونة بس كانت مرشح ... و قلت لحالي خليني اكتب عن الرشح بأعتبار مشكلتو كبيرة و مو بس مشكلتو بالجرثومة مشكلتو كمان بالطريقة اللي عم نتعامل معو فيها ...
أحاس غريب بنفس الطالب بس يوصل لمرحلة الجامعة.
البارحة كنت عم أحكي عن أخر تصور لألي بخصوص المدونة وتذكرت , كل الطلاب و الشباب بهل المرحلة بيحسوا بشعور غريب , شعور تقريباً متل الشعور اللي بيقلك أنك لازم تعمل شي أنك لازم تحقق شي :
عقلي مشوش و هاد بعد ما خليت فكري يوضح
كل إنسان عندو موهبة معينة ... البعض بيحكوا كتير, البعض
اجتماعين كتير ,البعض ملتزمين ... و هيك شي... أنا للصراحة مالي شاطر بالكتابة بس
كنت طول حياتي فكر لقدام و أحسب حسابات كانت أحياناً بتخليني فايق طول الليل ...
أول محاضرة عملي بالجامعة .
أول محاضرة عملي بالجامعة عندي كانت مزعجة كتيير ... تأخرت على المحاضرة و أنا ما بعرف وين القاعة ... الدكتور كان مبلش المحاضرة و معصب و ما خلا الطلاب يفوتوا على القاعة ... ضلينا برا معاقبين ... لحتى أجى الدكتور سطلي و تشفعلنا .
ما قدرت أتحمل حالي بدي قول لفريق الـ RBC's بحبكون
لسا مبارح كنت عم أحكي عن فريق الكريات الحمر أنو بتحسون بيحبوا الطلاب و بيشتغلوا مشانون و هلق أنا فتحت على الفيس لقيت إعلان حاطينوا عن كتب الستيبس للصراحة ما بعرف شو هنن غير أنو متل تعديل للشهادة الطبية مشان تقدر تقدم بأمريكا أو منهون بتجي الأسئلة أكيد نفس المعلومات بس ممكن تكون الدقة أعلى أو التفاصيل أكتر أو الله أعلم شو ...
نتائج الشهادة الثانوية للدورة التكميلية لعام 2014-2015
أعلنت وزارة التربية و التعليم في الجمهورية العربية السورية صدور نتائج الدورة التكميلية للتعليم الثانوية بفرعيها العلمي و الأدبي لعام 2014-2015 ...
مشاكل التكميلي | أنا انظلمت بفكرة التكميلي
التكميلي فكرة حلوة كتييييير ...
أنا هلق بقدم الرياضيات و العلوم و الفيزيا و الكيميا و برسب حالي بالقومية و الديانة و العربي مشان أخد وقت زيادة و أقدر أدرس أكتر
رفقاتي
الشغل الخاص بطلاب الموازي
الموازي وحدة من الشغلات الحلوة ...أولاً ما في ظلم لمعدل الطلاب لأنو النسبة ثابتة و ما بيتغير المعدلات بالموازي ...كمان هي فرصة للطلاب اللي بيقدروا يدفعوا مصاري وبيتمنوا يدخلوا لفرع أعلى بس الشغل لطلاب الموازي أصعب من ناحية التسجيل و التعامل .
عذاب تسجيل بالجامعة | شو ممكن تعمل مشان تخلص من المشاكل تبع التسجيل
التسجيل بالجامعة كان واحد من اكتر التجارب ازعاجا ... من بعد دفتر الجندية طبعاً .
بعد ما تبلش الجامعة وتحضر كم محاضرة بيبلش التسجيل و بتبلش مشكلة التسجيل .
مشان تسجل بالجامعة لازم تجيب مصنف أخضر , في منو بسورية شي 100-200 مصنف لكل طلاب جامعات دمشق . يعني إذا ما لحقت تجيبوا من أول شي , راحت معك كم اسبوع .
فرق كتابة المحاضرات | هل يجب أن انضم إليهم
فرق كتابة المحاضرات واحدة من أجمل الأشياء في الجامعة... أولاً فريق كتابة المحاضرات هو غالباً فريق تطوعي مكون من أفراد أحدهم يقوم بتسجيل المحاضرة و كتابتها على ورق ,و من ثم يقوم شخص آخر بنقل هذه الكتابة إلى ملف ورد ,و يأتي شخص آخر ليدقق و يطبق قالب معين عليها ...
خلاصة السنة الأولى
بعيداً عن مفهوم السخرية , وبعيداً عن عديد من الأمور التي يمكن الضحك عليها تعلمت من السنة الأولى أشياء لم أكن أعرفها و لم أكن أتخيله ومنها:
الفصل الثاني | ردة الفعل بعد الصدمة
بعد ما قدمنا الفحوصات ,خبصنا بشكل مو طبيعي , و عطلنا لمدة ثلاثة أيام ( نعم هذه هي مدة العطلة الانتصافية )؛ بلشنا الفصل الثاني
كل الطلاب كانوا يتوقعون أنهم سوف يتابعون بشكل جيد , و كما حدث سابقا لم ينتهي هذا بشكل جيد , فكرة الالتزام جميلة و ما زال تطبيقها صعب
صورة السنة الأولى بالنسبة لي | كيف كنت أتخيل السنة الأولى
بالتأكيد النقلة من مفهوم المدرسة العادية والتي تعتمد على دوام متواصل ودراسة متواصلة (دفتر المبيضة والمسودة ودفتر الوظائف , السؤال بلون والجواب بلون ) لمفهوم الجامعة .... (ما بتشوف الدكتور إلا بالصدفة) كان صدمة كبيرة...
مسيرة طالب الطب البشري | لمحة عامة عن المدونة
الطب البشري واحد من أكثر الفروع العلمية رغبة في الجمهورية العربية السورية و بلدان آخرى , ستة سنوات تعليم تصبح بعدها طبيب عام و ثم ثلاث إلى سبع أو ثماني سنين تصبح بها طبيب مختص ,المجمل تسع إلى ثلاثة عشر أو أربعة عشر سنة لتتخرج و تبدأ حياتك
في هذه السنين سوف أتابع نقل كل الأخبار يومياً إلى هذه المدونة كي يعرف كل طالبٍ ما ينتظره في الطب البشري
لا يستطيع أحدٌ أن يرى مستقبله و لكنه يرى الماضي بسهولة , إذاً ماضي هو مستقبلكم فمرحباً بكم
هذه هي الفكرة الأساسية ؛ أنا طالب طب بشري من دفعة 2013-2019 أكتب لكم يوميات الطب البشري, من السنة الثانية هدفي هو تقديم مادة جميلة مسلية و مساعدة و كما سبق و أقدم لمحة لكم لما ستواجهونه
العمل تدريجي بدأً من 1\8\2014
ومرحباً بكم جميعاً
 |
