أي بلشت شغل بملف النسج ... صحيح مخبر سالم إني مبلش فيه من زمان بس للصراحة اليوم حتى بلشت فيه للملف ... 

بالنسبة لفيديو التشريح حملتو وزبطت كلشي انشالله منيح و عندي شي 60 زلمة حبو الشغل ... 

اللي بيفرط للقلب من الضحك هو اني بس حملت الفيديو اللي حجمو 114 ميجا الفيس ضل ساعيتن و نص عم يحمل بس خلص طلعلي اشعار أني ممكن كون سارق حقوق الملكية تبع الفيديو ومو مسحملي حمل الفيديو ...

هههههه صارلي اسبوعين عم اشتغل فيه وجاي تقلي كانو مسروق ... و الله من جهتي ضليت شي نص ساعة عم دور كيف بدي ابعت رسالة شكوة عن هل التصرف وأخر شي رضيو يحملولي الفيديو بس على اساس يتحققو من صحة كلامي ...

شو بيعرفني شو صاير معون ... المهم مفروض نخلص ملف النسج من هون ليوم الخميس انشالله نخلص بكير ... و انشالله ما يكون في حدا غيرنا اشتغل بملف النسج ...

ااااا بس ما عندي كتير شغلات بدي احكي عنها , غير اني اليوم بس رحت عل الاجتماع تبع الفريق عبرت عن انزعاجي ... كنت من جهتي مزعوج اني عم التزم بالتوقيت و الفريق نصو إذا مو كلو اخد الفريق مسخرة ... غير هيك أنا الوحيد اللي عم يتأذى من الالتزام بشكل كبير ... بالمقابل اللي عم يتأذوا من الالتزام عم يروح عليهون شغلات بلا طعمة ... يعني متل نص ساعة نوم زيادة ... أو فطور بالبيت ... مقارنة بشغل حقيقي هل الكلام علاك ...

قام عبرت عن انزعاجي من هل الموقف ... و حاسس حالي زعلان لانو ميسر الفريق كانو انزعج ... وهو من جهتي الشخص الوحيد اللي مستعد ما ازعجو لانو رائع بالفعل ...

المهم ما بقدر اعمل شي بهل المرحلة ...

صح لسا ناوي اعمل الفيديو تبع التشريح على شكل برنامج للموبايل ... بتوقع سهل انشالله ..

هي الفيديو اللي حملتو بأخف دقة ( 5 MB ) و اللي حملتو عل الفس كان بدقة (246 MB ) :

أي هاد كلشي ...

ومازال العمل مستمراً ... 

تم كتابة هذا الموضوع بتاريخ 10\4\2015