إنك تخطأ الهدف في كل الطلقات التي لاتطلقها من بندقيتكواين جريتسكي
مقتبس من كتاب ابراهيم الفقي الثقة و الاعتزاز بالنفس
ندمان على فكرة البرمجة ...
من مبارح الليل سهران عم حاول زبط غراض البرنامج اللي مفروض يساعدني مشان البرمجة ... هلق غير اني لازم اتعلم لغة برمجة ... وغير انو البرنامج محجوب عنا ولازم نستخدم بروكسي ... و غير انو كل هل الغراض ما عم تشتغل لسا البرنامج عم يعلق ...
بسحب الكلام اللي قلتو عن الفوتوشوب ...
قبل كم يوم كنت بكره الفوتوشوب , لانو ما عم اقدر اتفاهم معو ... بس رشاد علمني كم شغلة و صرت مروق عليه ...
بلشت رسمة الشخصية ...
مبارح الليل بلشت رسمة الشخصية اللي ناوي استعملها مشان البرنامج اللي مخطط صممو ... المهم الرسمة كنت مجهزها على ورق و مبارح نقلتا على الفلاش مشان زبطها ... هلق صحيح قلت أني ما ح اشتغل على الفوتوشوب بعد ما طقيت منو بس رشاد قال ح يعلمني كم شغلة كمان مشان استخدمون ... بركي بتصير القصة أحسن ...
أنا مو خرج رسم شي واقعي ...Dragon Photoshop
هلق اليوم خلصت الرسمة و حطيت النار ... بس ما طلعت الصورة كتير واقعية ... يعني الرسم حلو ( يمكن لاني تعبان عليها عم قول حلو ) بس الرسم مو كتير واقعي ...
كأنو مشكلة ... رسمة التنين عم تعذبني ...
صحيح قبل كم يوم أبديت دعمي للفوتوشوب بس حاسس حالي لح أنتحر منو يعني مو معقول هل البرنامج ... للطقيق وحدة بوحدة ضليت أكتر من ساعتين عم حاول زبط الظلال مشان تطلع الصورة حلوة بس ما عم تزبط معي ...
رسمة التنين ...
اليوم بلشت رسمة التنين اللي كنت ناوي اعملها و جرب كم شغلة من المؤثرات على الرسمة مشان حسن الرسمة وتطلع بتشبه شي واقعي ... هلق أكيد كلامي كتير متفائل بس بحاول بركي بيطلع معي شي ...
الثقة و الاعتزاز بالنفس...
مبارح الليل خلصت الكتاب بشكل كامل ... و للصراحة بنهاية الكتاب كان في مقطع عن الاستفادة من الناس اللي حولك مشان تحقق تقدم بحياتك ... للصراحة هاد القسم الوحيد اللي كتبتو بشكل كامل على ورقة مشان انتبه عليها بشكل دقيق ...
كتاب أبراهيم الفقي الثاني | الثقة و الاعتزاز بالنفس ...
هلق خلصنا فحوصات قبل مبارح , و اليوم رجعت مشان أقرا كتب الدكتور ابراهيم الفقي ...
نهاية الصورة ...
اليوم جربت كم شغلة على الـ Photoshop صحيح مالي كتير عبقري بالبرنامج هاد بس رشاد عم يعلمني ...هههههه لح يطق مني ...
حكيت معو عن الرسمة ...
عملت صورة حلوة ...
رسمت صورة اليوم تبع سالم ... هي الرسمة الحلوة ... الصورة كتير حلوة و ناوي زبط كم شغلة لسا بالفوتوشوب مشان أعمل العيون و يطلعوا حلوين لح حمل الصورة ... أنا من جهتي كتير فخور بهل الإنجز ... أخد معي الشغل ساعة و عشر دقايق ... سجلت الشغل على الكمبيوتر و حولتو لفلم مدتو دقيقة ...
الرسالة اليوم موجهة إلكون ...
اليوم حابب اشكر كل العالم اللي عم يقرأو كلامي ... و عم يعطوني من وقتون ...
تحملوني كمان شوي و عنجد ح بلش أعرض شغلات بنوعيات أفضل ...
نزلت الفلاش adobe cs5.5
صار لي يومين عم نزل فلاش adobe flash cs 5.5 وكان حجم ملف التنزيل 1 جيجا ... التنزيل بس بالفعل بيسوى الوقت و التعب ... صار لي يمكن شهر عم دور على برنامج اسمو Adobe device central وهاد البرنامج مشان تصميم البرامج تبع الموبايل ... المهم ماكنت لاقي البرنامج لا عل الجوجل ولا عل التورنت ...
تحسنت الأوضاع مشان الكيميا ...
اليوم كالعادة فقت بكير و بلشت دراسة و كأنو أنا بلشت بالقسم الصعب لهل السبب كنت مفكر أنو كل المادة صعبة و ما بلحق ... بس بعد ما مرقت على قسم الهرمونات تبع الدكتورة درر لقيت القسم سهل ... بقى فيكون تقولوا انو كانو أحسن الوضوع ... بس لسا مالي متأكد ...
عندي كيميا ...
اليوم حديثي عن المادة الجاية , كيميا طبية ... بعد ما استنتجنا أنا ورفقاتي أنو في شي خطأ بخصوص الامتحانات ... عرفنا أنو واحد من احتمالين صاير ... يا الدكاترة عم يفتحو حساب عل الفيس بوك و يشوفو الطلاب شو عم يحكو و يقرروا أنو لازم يأفشو الطلاب ... فمثلا واحد من الدكاترة بيسمع الطلاب أنو عم يلاقوا المادة صعبة و قرروا يحذفوا قسم ... مشان يسهلو دراسة المادة ... بيقوم الدكتور بيجيب من هل القسم بالتحديد ....
