اليوم كالعادة فقت بكير و بلشت دراسة و كأنو أنا بلشت بالقسم الصعب لهل السبب كنت مفكر أنو كل المادة صعبة و ما بلحق ... بس بعد ما مرقت على قسم الهرمونات تبع الدكتورة درر لقيت القسم سهل ... بقى فيكون تقولوا انو كانو أحسن الوضوع ... بس لسا مالي متأكد ...
المهم اليوم كنت عم دور عل النت و لقيت صور كتير حلوة ... باعتباري بدي اتعلم رسم ... و كتير الشغلة عم اتفلح معي ,على حدا علمي حتى الآن ... المهم نزلت الصور و قررت بس خلص فحوصات جربون ... أكيد بتسلى ...
وح حمل على المدونة الصور اللي بدي أرسمون ,هلق عندي الرسم تبعون على الورق ...بقى ارسمون بالكمبيوتر
و هنن ناروتو :
كنت عم فكر اضيف متل مؤثرات على التم مشان يطلع كأنو في دخنة من البرد عم تطلع منو ...
وتنين على كتاب النسج :
وعم فكر حط نار زرقة من تمو و جوانحة و الخلفية ...
هلق الصور مرسومين من واحد من رفقاتي ... برأي هل الزلمة كتييير مبدع و مزوق بالرسم ...
المهم عم اقدر قلد الرسم تبعو و قريت كم شغلة بتوقع صرت بقدر أعطي شكل عام مشان صمم من الصفر ... أكيد ما بتوقع صمم شي احترافي بحت , هههه و لا حتى قريب ... بس الشي ممتع بالنسبة إلي ... و مع الوقت ممكن صير فهيم ... حلوة الثقة بالنفس , وانا ما بعرف شي ...
المهم وانا عم حمل الصور مشان حطون على الموقع لقيت أنو طوال كتير و لح يصير الموضوع كتير طويل بهل الصفحة لهل السبب لح نزلون بموضوع تاني ... الصور حلوة إذا حبيت تجربو الصور كتير ح انبسط بأني شاركون الصور اللي عم تعملوها ...
بالتأكيد بس تتعلم مع حدا غير بيحلا الجو مقارنة بأنك تتعلم لحالك ... بيصير في تنافس و أراء ...لهيك بدعوكون إذا حابين تجربو ... بتوقع Adobe Photoshop cs5 بينفع هاد نفس النسخة اللي عندي ... أكيد في اصدرات أحدث بس هاد بينفع ... وحتى الأقل ممكن كمان ...
ممم ... بتوقع هاد كلشي عندي لليوم ... غير أنو الكيميا غليظة ... !
لحظة لح اكتب فقرة من الكيميا ... مشان النق مو مشان شي ....
احم ... و هي الفقرة :
يتم تركيب الفوسفات الكربامويل من ثنائي اوكسيد الكربون و الغلوتامين و الادينوزين أحادي الفوسفات ... بتوسط انزيم الفوسفات كربومويل سينيتاز ... يتوجه الفوسفات كربامويل ليتحد مع الاسبارتيك بتوسط اسباريتك ترانس كربومويل و ينتج كاربوميل اسبارتيك ... يحذف الماء منه بوساطة ديهيدرو اورتاز و يتشكل ثنائي هيدرو اورتات ديهدروجيناز المتقدري و الذي يخسر الهدروجين بمساعد نيكوتين اميد امين ثنائي النكليوتيد ليتشكل حمض الاورتيك .... ؟
اااااا ... بعد التفكير انا مالي فهمان شو عم اكتب ... يعني كتبت كم سط و ما بعرف شو عم يصير ... هههه و الله ما عم يزبط اني اتذكر هل الكلام و بعدين احفظ شي جديد و اتوقع ضل حافظوا ...
هههههههه ... المهم لازم جرب ...
ليش الكيميا غليظ يعني يسمو الغراض بأسماء واضحة و إلها معنى بدل كل هل الحكي ... ههههههه
كالعادة بتمنى إذا في أي سؤال تتفضلو و ترسلو رسالة ... ح افرح بالحديث معكون ...
و تحملوني ثانية مشان حمل الصور تبع تعليم الرسم ...
اي وكالعادة مازال العمل مستمراً ...
تم كتابة هذا الموضوع بتاريخ 3\2\2015 ...
