اليوم حديثي عن المادة الجاية , كيميا طبية ... بعد ما استنتجنا أنا ورفقاتي أنو في شي خطأ بخصوص الامتحانات ... عرفنا أنو واحد من احتمالين صاير ... يا الدكاترة عم يفتحو حساب عل الفيس بوك و يشوفو الطلاب شو عم يحكو و يقرروا أنو لازم يأفشو الطلاب ... فمثلا واحد من الدكاترة بيسمع الطلاب أنو عم يلاقوا المادة صعبة و قرروا يحذفوا قسم ... مشان يسهلو دراسة المادة ... بيقوم الدكتور بيجيب من هل القسم بالتحديد ....
الشي اللي بيضحك أنو بالرغم من انو هل الشي ضدنا كطلاب ... أنا برأي أنو في احتمال أنو واحد من الطلاب ممكن يكون عامل هل الشي ... يعني انو في طالب مفسد علينا مشان هل الشي .
المهم الشغلة بتطقق ... ماعد في اسئلة دورات ... هو مو أني كتير بعتمد عليون بس و الله الشغلة بتطقق ...
يعني الكيميا صعبة و على عكس كل المواد ما كنت افضى لهل المادة أبداً لاني مشغول بالتشريح او الفيزيولوجيا او النسج ...
يعني اللغة الطبية و الكيميا ما كان ألون محل بالدراسة ...
وهلق بعد ما حاولت أقرا الكيميا عم لاقيها تعجيز و الملحق 124 صفحة غير المحاضرات ... الدكاترة طالبن من الكتاب و المستودع مافيه كتب بالأصل ... أنا من جهتي لح حاول أدرس كلشي بس شبه متأكد أني مالح لحق دراسة ...
المهم و بعد كتير النق ... انا حملت الكتب تبع ابراهيم الفقي ... للصراحة مالحق اقراهون و احكي عنون ... بس لسا هل الشي ضمن المخطط بس خلص دراسة لح اقرهون كلون و لخص وابدي رأي بكل واحد على حدا ...
لح حمل الكتب أنتو أبدو رأيكون و بس خلص انشا الله بقراهون ...
المهم هي هنن الكتب :
الأول : إدارة الوقت
الثاني : البرمجة اللغوية و العصبية
الثالث : الثقة و الاعتزاز بالنفس
الرابع : الطاقة البشرية و الطريق إلى القمة
الخامس : المفاتيح العشرة للنجاح
السادس : حلل شخصيتك بنفسك
السابع : حياة بلا توتر
الثامن : سحر القيادة
التاسع : سيطر على حياتك
العاشر :قوة التحكم بالذات
الحادي عشر :قوة التفكير
الثاني عشر : قوة الحب و التسامح
وكالعادة مازال العمل مستمراً ...
تم كتابة هذا الموضوع بتاريخ 2\2\2015
