اليوم بالصدفة عم اشتغل عل الكمبيوتر وقررت مر على الموقع مشان اكتب شي , عنجد عم حس بتأنيب الضمير ... لازم اكتب أكتر على الموقع ...
أنا فتحت الموقع مشان فكرة تطوير نفسي ...وأكيد مشان أتعرف على عالم و أطرح أفكاري خصوصاً أنو كل كم يوم بيخطر ببالي شي ...
لح ارجع انشاالله اكتب بهل الموقع بشكل دوري وانتظم كمان ...
إذاً مشان لخص شو كنت عم اعمل من اخر مرة كتبت فيها شي على الموقع :
1.قررت مارس رياضة بشكل منتظم ... وهي الفكرة مو غريبة علي لاني بشكل عادي حايص حولين الفكرة بس فيكون تقولوا انو أول شهر كلو كنت ملتزم ومثابر (يعني عم التزم بشي ... حلو برافو عليي ).
المفاجأة أني لسا ما كسرت شي ... بجسمي ... ليش ممكن اكسر شي ؟ اااا لأني ماكتير بمارس الرياضة و عندي تاريخ حافل من هل الناحية ...
أول مرة مارست فيها رياضة الجري صار معي حركة كلاوي .
تاني مرة مارست فيها كرة القدم كسرت إيدي .
ثالت مرة مارست كمال أجسام ( على أساس...أي مافيي عضلتين راكبين على بعض) مابعرف شو صار معي , عل الأغلب برقت ضهري ... صار معي ديسك نصفي ... ضليت شهرين عم ألبس مشد .
رابع مرة صرت انزل عل النادي مع رفيقي ... صار بمرحلة من المراحل عم يشحطني عل البيت ... مو لاني مابدي روح ... لاني مو قدران وقف على رجلي ...
خامس مرة كانت خلال الموقع ... صرت نط عل الحبل ... بعدها ضليت عم أعرج اسبوع كامل ...
هههههههه لو دخلت بالألمبياد شو كان بيصير فيي ....
المهم لساتني بعد شهر كامل عايش و بكامل قواي الصحية ... عنجد مثير للأعجب مقارنة بتاريخي ...
بالنسبة للدراسة ... خليني ساكت الدراسة للطقيق وحدة بوحدة ... يعني للطقيق ... قدمت مادتين و بكرا عندي المادة التالتة ...
بالنسبة للتصميم ... تحسنت على القليلة بتوقع حالي متحسن ...
عملت صورة لنارتو و جيراية :
المهم هي الصورة أكل كتير شغل الظل .
 |
هدول الصور لاني بالصراحة مابعرف لون الطابة اللي بيطلعها جيراية ( ما بتابع ناروتو بس عندي اللعبة و متابع الفيلم ... بتوقع بيشفعلي هل الكلام ):
وهي بعد ما تأكدت شو لون الطابة :
وهي للصرحة لأني كنت قاري طريقة وحابب جربها لقيتها حلوة بكل الأحوال :
تنويه ممكن يكون رسمي شوي بشع بس أنا راسمه من الصفر مو يعني أخد صورة و معدل عليها .
بالنسبة لكتب ابراهيم الفقي مانسيتون بس المشكلة أني ما عم أفضى أبدى مشان أقرى بتوقع عل العطلة بحملون كلون متل ماوعدتكون و بالنسبة لمسلسل الـ DEATH NOTE لح حملو انشأالله و عنجد بنصح أنو تابعو كتييييييير حلو ...
يعني أنا ما صدقت رفقاتي و كنت متوقع أنو تفاهة و بياخة .... بس تابعت أول حلقة عم أحكي لحالي عنجد هاد فلم ولاد صغار يعني شو هل العلاك ... بس بعد ما تابعت الحلقة الخامسة صرت متل المدمنين عليه .... بمرحلة تابعت 12 حلقة بيوم واحد مشان ما اقطع السلسلة .... آخ عنجد حلو ...
أي وناوي أتعلم برمجة ألعاب RPG لح جرب و صير حملون ... الشغلة حلوة متل ماجربت حتى الآن ...
المهم إذا بدكون أي شي أو في أي سؤال ... الرسائل كالعادة على اليسار و برحب بأي سؤال ...
وكالعادة مازال العمل مستمراً ...
وتم كتابة هذا الموضوع بتاريخ 31\1\2015
