اليوم عم أدرس تشريح مشان الفحص و للي ما بيعرف قربت الفحوصات ... هل الاسبوعين كانو كلون مذاكرات ... و هلق عنا تلت فحوصات بنفس الاسبوع ورا بعض ...
بالنسبة للأول هو فحص نسج ... التاني فحص فيزيولوجيا ... التالت فحص تشريح ... الرابع فحص كيميا ... على ما يبدو طلعو اربعة امتحانات مو تلاتة ...
و أنا عم أدرس تشريح صار عندي فكرة ليش العالم بترسب بالتشريح ... مو معقول ... كلو بيشبه بعضو ...
الدراسة صعبة و الامتحانات بتلبك كتير ... المهم عم أدرس و بكل الأحوال ما عم أفضى اكتب أي شي ... صاير كل ما عم قرر اكتب عم فضل روح نام بدل الكتابة ...بس اليوم تملكت نفسي و عم أكتب شوي ...
هلق بالنسبة لشغلة التصميم أنا عملت تلت رسمات :
الأولى لبطل مسلسل Death Note و اللي هو مسلسل كتير حلو ( ما بتوقع ممكن ينقال عنو مسلسل كلو 37 حلقة ) ...
وهي الصورة :
بالنسبة للصورة التانية هي هدية لواحد من رفقاتي شخصية من لعبة DOTA الشغل عليه كان أصعب شي ... أخدت وقت وأنا عم حاول أعطي الألماسة صفة حقيقية ... بس هاد كل اللي طلع معي :
و الصورة التالتة هي متل تجريب لتصميم شخصية من الصفر ... هلق كل هل الشغل أنا مشتغلو لحالي ماعدا الصورة الأخيرة هي
مقلد الفيديو اللي عم اتعلم منو و لسا الصورة ما خلصت متل العالم و الناس يعني ما خلص غير الراس منها :
المهم هاد كلشي و مازال العمل مستمراً ...
وتم كتابة هذا الموضوع بتاربخ 20/12/2014
