نهاية الصورة ...

اليوم جربت كم شغلة على الـ Photoshop  صحيح مالي كتير عبقري بالبرنامج هاد بس رشاد عم يعلمني ...هههههه لح يطق مني ...

حكيت معو عن الرسمة ...

سألتو: كيف ممكن حط ظل ؟ بالفوتوشوب . 

رد علي : بفرشاية الظلال اللي دليت عليها , بس علمتك كم شغلة .

انا :عنجد في هيك شي ... حلو . 

سألني و كان باينتو لح يدبحني : مالك متذكر .؟ 

رديت : خلص بدور عليها إلا ما لاقيها ...

المهم قد مالي عبقري دورت بالبرنامج عن فرشاية تحت عنوان "Shadows Brush" هههههه ... و للصدفة ما لقيت شي .... ضليت شي ساعة و ربع و انا عم دور على شي بيعطي أثر تراكمي مشان طلع متل فكرة طبقات الظلال ... و الحمد الله بعد ما جربت كلشي لقيت هيك شي ...

المهم ظبتت الرسمة و من جهتي ما لح أقبل مستقبلياً إلا ظلل بالـ Photoshop لانو عنجد حلو بس من جهتي ما عرفت ارفع دقة الصورة ... كانت النسخة القديمة بس تكبس عل الصورة مرتين بتحسن لحالها الجودة تبع الصورة ...

المهم هي الصورة ...

وهي بعد ما قررت جرب حط نار و دخنة مشان يطلع كأنو عم يتنفس من تمو بالبرد ... برجع بذكر ما بعرف إذا ناروتو بيطلع نار ولا لأ لاني بالصراحة بحياتي ما تابعت المسلسل ... 

هلق بمناسبة الحكي عن المسلسلات نزلت مسلسل هاوس ... حابب تابعو ... ااااا ... بس هاد كلشي عندي مشان قولو 

أي و هاد الفيديو تبع محاولاتي مشان حط الظل و أعمل النار ...

الفيديو دقتو كتير واطية ...للصراحة لاني مهتم بالفكرة أكتر من الدقة ... المهم مستقبلياً لح شوف إذا بعمل الفيديو بدقة أعلى ...

بالنسبة للكتب رجعت مشان كمل سلسلة الدكتور ابراهيم الفقي ... لح أحكي عنها و أنا هلق من جهتي عم أقرا كتاب الثقة بالنفس ... حلو كتير خلصت أكتر من نص الكتاب لهلق ... 

بس هاد كلشي بقدر أحكي عنو ...

ومازال العمل متسمراً ...

تم كتابة هذا الموضوع بتاريخ 19\2\2015 ...