كتاب أبراهيم الفقي الثاني | الثقة و الاعتزاز بالنفس ...

هلق خلصنا فحوصات قبل مبارح , و اليوم رجعت مشان أقرا كتب الدكتور ابراهيم الفقي ...

الكتاب اللي لح بلش فيه هو الثقة و الاعتزاز بالنفس ... للصراحة كل الكتب تبع الدكتور ممتعة و صحيح المادة فيها مو كتير دسمة أو حتى صعبة أنو تنفهم ...

و صحيح مو متل كتاب التشريح أو النسج ... بس الشي الممتع فيها للهل الكتب هو أنك بس تخلص قراية هل الكتاب بتحس بشعور رضا عن النفس ...و للصراحة انا بحاجة لهل الشعور على سوية يومية ... 

الكتاب تبع الثقة بالنفس بيحكي عن الشخص كيف ممكن ينجح ومتل الكتاب اللي قبلو في نقاط ممكن تحسها كل العالم متفقة عليها ... و في نقاط ممكن تحس أنو بتختلف فيها مع الدكتور ...

بس الحلو بهل القصة أنو مافي جواب صحيح ... ما في حدا صح و حدا خطأ ممكن يكون الرأيين صح ... و هاد الشي الحلو ...

هلق من وجهة نظر معينة , ليش الواحد يضيع وقتو وهو عم يقرا كتاب ما في شغلات كتير مثيرة أو حتى مورد علمي دسم ...فيك تعتبر قراية الكتاب متل استراحة من المواد الصعبة ... يعني بحس حالي و انا عم اقرا الكتاب اني مرتاح بالقراية و حتى معنوياتي عم ترتفع ...ومن وجهة نظر تانية احسن من تضيع الوقت وأنا عم اتفرج على شي فيلم ...

بكل الأحوال لسا ما خلصت قراية الكتاب و ناوي بس خلص من الكتاب اعمل متل ملخص صغير عنو متل الكتاب اللي قبلو ...

هلق الكتب كلها محملها و برأي الكتابين حلوين لهلق بنفس السوية ...

في كتير كلام لح أحكي عنو بس خلص الكتاب بس هلق عم احكي بدون ما يكون عندي شي محدد احكي عنو ... لانو حتى الآن شايف البداية بس ...

المهم بحدود بكرا أو اليوم الليل بيكون خالص ...

الكتاب اللي قبلو بيلتقا على هون ...

و الكتب محملة كلها هون ...

ومازال العمل مستمراً ...

تم كتابة هذا الموضوع بتاريخ 19 \2\2015 ...