صحيح قبل كم يوم أبديت دعمي للفوتوشوب بس حاسس حالي لح أنتحر منو يعني مو معقول هل البرنامج ... للطقيق وحدة بوحدة ضليت أكتر من ساعتين عم حاول زبط الظلال مشان تطلع الصورة حلوة بس ما عم تزبط معي ...
أكيد الخطأ مني في عالم بتشتغل على الفوتوشوب و هي كتير منيحة و بتأبدع , بس أنا ما عم تزبط ...هلق بلشت بتلوين الجناحات بس كانت الشغلة صعبة كتير لاني ما عم أقدر ضل بالحدود تبع الصورة و دوماً عم أطلع لبرة ...
هلق حاولت لون الجناحات مشان اعطي انطباع النار عليهون بقوة بس ما زبط هل الشغل لهل السبب لح ضل مع الألوان الأصلية لاني بتوقع يطلعوا احسن من هل الاختراع العظيم :
المهم رجعت لألوان الفلاش طلعوا احلى
هلق التظليل الأول كان أحسن من التاني بس التاني حاولت أعطي مظهر غامق ... بتوقع كتير غمقت و خصوصاً عند الرجل ... طالع كأنو محروق ... بالنسبة للأول البطن تبعو دخل عليه لون أحمر حاولت أتعامل معو ما كتير زبط شغلي لهل السبب عدلت الرسمة ... و هلق ح حط الفيديو تبع الرسمة , كمان قصرت كل الشغل لدقيقة وحدة مشان السرعة :
أي اليوم صورت الشعار اللي شترينا هداك اليوم للصراحة أنا مبسوط في كتير , ح حمل الصورة تبع الشعار ... بالنسبة للون الذهبي تبع الشعار مفروض يكون عم يعبر عن قيمة الأطفال بالنسبة لأهلون ... متل الذهب ...
المهم هي صورة الشعار :
أي بتوقع هاد كلشي ... لح بلش دراسة كم شغلة برمجة مشان صمم برامج للموبايلات ... بوجه الخصوص دراسياً ...
و بالنسبة للصور بدي حط النار بكرا انشالله تكون سهلة و خلص منها ...
و مازال العمل مستمراً ...
تم كتابة هذا الموضوع بتاريخ 24\2\2015 ...
