هلق اليوم خلصت الرسمة و حطيت النار ... بس ما طلعت الصورة كتير واقعية ... يعني الرسم حلو ( يمكن لاني تعبان عليها عم قول حلو ) بس الرسم مو كتير واقعي ...
هلق متل ما فهمت في فن بيعتمد على هل المبدأ ... ( الشي رسم و واضح أنو رسم ) ... ااااام مابعرف كيف بدي اشرح , بس بشكل عام حلوة ...
الرسمة أخدت شي ساعتين ... ضليت ارسم و احذف حتى وصلت لهل المرحلة :
هلق كنت بدي حط نار للجناحات بس انتهى الأمر في حاذف النار لاني لقيتون كتير بشعين ... بالنسبة للفيديو تبع هل الرسمة :
واضح ببداية الفيديو أني كنت عم لون الجناحات و بعدين حطيت الظلال للرسمة القديمة و بلشت محاولات رسم النار ...
و بس للصراحة ما عندي شي اليوم احكي أكتر من هيك ... بتوقع بكرا ح بلش رسمة مشان فكرة البرنامج ... ناوي اعمل متل شخصية على مبدأ التشيبي ... هدول الشخصيات بيظهروا بشكل حلو ... و بريء ...( للصراحة ما بعرف وين بدي حط الهمزة ) ...
أي بكرا بحمل الرسمة اللي لح حطها و بحاول خلي للصراحة على الفلاش مشان الامكانيات ... لاني إذا نقلتو عل الفوتوشوب لح يصير صورة بالنسبة للفلاش و بالنهاية ما لح اقدر عدل على حركاتو بالفلاش ... لهل السبب لح التزم بالتظليل بالفلاش ...
ومازال العمل مستمراً ...
تم كتابة هذا الموضوع بتاريخ 25\2\2015
