مبارح الليل بلشت رسمة الشخصية اللي ناوي استعملها مشان البرنامج اللي مخطط صممو ... المهم الرسمة كنت مجهزها على ورق و مبارح نقلتا على الفلاش مشان زبطها ... هلق صحيح قلت أني ما ح اشتغل على الفوتوشوب بعد ما طقيت منو بس رشاد قال ح يعلمني كم شغلة كمان مشان استخدمون ... بركي بتصير القصة أحسن ...
المهم الرسمة حلوة كمان و عم حاول خليها بسيطة و عم عنون كل قسم مشان استخدمو لحال بس حاول اعمل فيديوهات منو ...
و هي الرسمة :
هلق للصراحة متفائل أنو رشاد ح يعلمني ... هو فهيم بهل الشغلات ... و بتوقع بتطلع زابطة إذا عطاني كم ملاحظة ... أي ...
الفصل التاني ح يبلش ... ما بعرف كيف بدي مرق هل الفصل ... لازم ادرس أكتر من الفصل السابق ... و الشي اللي بيبكي أنو البرنامج نزل سلفاً ... يعني (ولاشي للصراحة ) ...
في واحد من رفقاتي ,غيث كان بدو مني انتقل معو على فئة عبد الله , بس للصراحة انا هلق عم فكر فيها للشغلة حاسس انو لح يكون شي سيئ ... لازم ضل بفئتي ... لانو ح يعملو الدكاترة مشاكل بحال نقلنا الفئات ...
أي بشوف شو بيصير ... حتى الآن هاد كلشي ...
ومازال العمل مستمراً ...
تم كتابة هذا الموضوع بتاريخ 26\2\2015
