للأسف هاد أول يوم بغيب فيه عن السنة التانية ... السبب و بابسط أشكاله ... الرشح ... متل ماوضحت أنا بكره الرشح و بكره فكرة أني أوصف لحالي دوا و مألتزم بالدواة ...
الفكرة الأساسية هي أنو كل مرة بتاخد فيها الدوة بشكل غير منتظم أنت بس بتقوي الجراثيم ... و بتنشرها بالمجتمع مرة تانية ... المهم قضيت اليوم بطولوا عم أشرب شوربة و زهورات ... و هلققادر وقف على رجلي ...
بالصبح كان راسي عم يوجعني و معدتي كمان ... و قررت ببساطة أني ما بقدر روح على الجامعة ... إذا ماكنت عم أقدر روح عل الحمام كيف لح أبدي بالجامعة ...
رجلي لساتها مفكوشة ... بس عم تتحسن ... بمجرد ما أصل لمرحلةا لشفاء الكلي لح أرجع مارس الرياضة من جديد ...
المهم اليوم قريت محاضرة كيميا غليظة و محاضرة فيزيولوجيا و رسمت النسج و كتبت التشريح ... أنجازات ؟
ومازال العمل مستراً ...
تم كتابة هذا العمل بتاريخ 29/9/2014...
