اليوم هو أول يوم بالجامعة ... لساتني خايف من كلشي ... الطلاب تعدادهون هائل ... و لساتون بنفس المشكلة ... بيصوروا وفلاش و صوت ... شي يوم لح يعصب الدكتور لدرجة أنو لح يمنع هل الشي أو يحرد و يمنع الطلاب من التصوير بالأصل ...
المهم أخدنا تلت محاضرات ... كيميا و فيزيولوجيا و أنجليزي ... و المشكلة أنو المحاضرات بدها وقت لتنزل و يصير بنقدر ندرسها و بالمقابل باليوم التاني و اللي هو بكرا لناخود محاضرة تانية ...
أنا من جهتي عم أكتب محاضراتي لحالي ... مو أني عم أشتكي من الطلاب تبع المحاضرات ... يسلم أيديهون ... عنجد الشغل متعب ... بس للصراحة انا ما بقدر أفهم إذا ما قريت المحاضرة الماضية قبل ما أنتقل للمحاضرة التانية ... بحس حالي ما لي فهمان وين الله حاططني ...
وبس قول محاضرات أنا قصدي ورقة مكتوب عليها بس كم ملاحظة ...
كتابتي سيئة كتير بس أحسن من بلا و أنا بكل الأحوال عم سكج أحوالي من هون لوقت ما تنتطبع المحاضرات ...
وكالعادة مازال العمل مستمراً ...
وتم كتابة هذا الموضوع بتاريخ 14/9/2014
