اليوم التالت بالاسبوع التاني ... ما حضرت أنجليزي مشان أتسلى ... و تشريح العصبية كالعادة الدكتور مضر و حديثو عن الشرايين و العضلات تبع العنق ...
الفيزيولوجيا كانت عن جهاز التنفس ... و كنت لح نام من كتر البياخة ...
هربت من النسج و رحت على مكتبة الصيدلة مشان أدرس ... المكتبة تبع الطب لساتها مشغولة مشان طلاب المفاضلة ...
المهم كان عندي عملي عل الساعة تنتين ... تشريح ... فتت قبل بربع ساعة و الدكتور كان موجود ... مابعرف شو اسم الدكتور بس كتير بخاف منو لهل الدكتور ... الدكتور ممتاز و بيعرف يشرح بس عصبي ... وللصراحة بيحقلو هل الشي ... أنا بعرفو باسم الدكتور تبع حدود الصدغي ... في فيدوا تبع الجمجمة كرر هل الجملة كتير ...
المهم الدكتور طلب مننا نحضر و نكتب مفردات الجلسة على دفتر صغير و نجيبو معنا ... و كمان في الدكتور بيحكي و بيشرح كتير و بيسمعلنا ... عنجد الحضور عند الدكتور ممتاز بس بيرعب ...
المهم هاد العملي كتير مهم و الدكتور أنا كتير بحبوا ( و بس قلت عنو الدكتور تبع حدود الصدغي ماعم اتمسخر بس عم قول هيك لاني ما بعرف أسموا )..
ومازال العمل مستمراً ...
وتم كتابة هذا الموضوع بتاريخ 23/9/2014...
