باليوم التالت كان كتيير مستفحل الشغل ... و كنا عم نشتغل بكل أنواع المنظفات و الزبالة ... و باعتباري شب مفروض ما ألبس قفازات تبع الحماية ... و أعمل كل الغراض بأديي ...
المهم المنظف الجيل السحري لونو أخضر ... و بيعلق بالأضافير ... و بيصير لون أيديك أخضر ... ماشي القصة بسيطة ...
الزبالة طول عمرها لونها أسود و أنا مفروض أشتغل بالشرايط الموجودين على البرندة و اللي كلون غبرا و لونون أسود ... هلق أخضر و أسود بيصير أخضر غامق ...
بعد ما خلصت شغل كنت كتيير متجاكر من لون أصابيعي و ضليت عم غسلون لحتى أحمروا أديي و صار اللون قريب من البنفسجي ...
بعدين جبت علبة ألتكو (لاصق ) و بسبب تعاملي الخطأ مع العلبة فقست بأيدي و لزقوا أصابيعي كلون و صار لونون أبيض ... جربت كل شي مشان خلص من الألتكو ... أسبرتو ... مي ... مي ساخنة ... ليفة ... و ما كانوا يروحوا و لهلق في شوية من الألتكو ...
المهم هي كل الغراض ... بس الشغل بالبيت سهل مو متل ما بيضلوا العالم بينقوا ... إذا بدك شي معت جرب الشغل بالهجرة و الجوازات مشان تعمل جواز السفر تبعك ... أو جرب شعبة التجنيد مشان تعمل دفتر الجندية تبعك ...
مازال العمل مستمراً ...
و تفضلو باقتراحاتكون على البريد الموجود على اليسار ...
تم كتابة هذا الموضوع بتاريخ 21\8\2014
