الأصنصير أختراع عظيم ... كبيس زر و بينزل الطابق لعندك ... (بايخة ؟ ... بعرف ) ... بس المشكلة بس تطفي الكهربا و يعلق الطابق ... أنا خوفي على البناية ... كيف بدون العالم يفوتوا على البناية إذا الطابق معلق ؟ ( أبيخ ؟ بعرف بس عم نكت بكل الأحوال ).
أنا لح أطلع على الأسطوح مشان شوف حساس الشام ... وقبل ما أطلع بالأصنصير طفت الكهربا ... بس في مولدة بالبناية و بتشغل أصنصير واحد ...
ملاحظة : أنا جديد ما بعرف وين الأصنصير الشغال .
المهم لح حط صور رسم مشان وضح الفكرة ... البناية فيها أصنصيرين (باللون الأحمر) و نحنا بالطابق التالت و الخزان بالطابق الثالث عشر و خط المي موضح باللون الأزرق
و اللون البنفسجي بيوضح الأصنصير الموشغال ...
لازم نقي يا الأصنصير اللي عل اليمين يا اللي عل اليسار ... نقيت اللي عل اليمين و لحظي الجميل طلع هو المفروض اللي ما أركب فيه ... طلع الأصنصير و كمل للطابق التامن ... بعدين طفت المولدة ... و أنا شو بدي أعمل ما بعرف رقم الناطور ؟ ... و مو حاسس أنو مناسب أنو أعود صرخ مشان حدا يساعدني ...بس المكان ما كتير بيخوف ... ما في ضو ... طلعت الموبايل مشان ألعب شوي لبين ما أقتنع أنو ما حدا لح يساعدني ... أنا اللون الأخضر ...
بس على ما يبدوا الناطور وسيط روحي ( خبير بالناس اللي ما كتيير عباقرة ) و طلع لعندي و قلي أنو لح يقلب المولدة مشان تعطي الأصنصير اللي أنا فيه و بعدين بيرجعها ... الناطور باللون الأصفر ...
و هون طلعت أنا وتشكرت الناطور كتيييير ... بهل العلقة أكتشفت حالي أني ما كتيير بخاف من الأماكن المغلقة ... و للصراحة حسيت حالي مرتاح ... بس بعد ما طلعت على الأسطوح رجعلي خوف المرتفعات ...
و كمان مبارح رجعت نزلت على البيت و زادو القصص ... صرت خبير بقتل الصراصير ( كلون صرصورين ) و فك التخوت ... و تركيب التلفيزيونات ( كل هل الغراض عملتها مرة مو يعني خبير بمعنى خبرة عشرة سنين ... خبير بمعنى بعرف كيف أعملها ) ...
و مازال العمل مستمراً ...
تم كتابة هذا الموضوع بتاريخ 21\8\2014 ...
