من مبارح و أنا عم جهز غراض مشان السنة التانية و بتمنى تكون حلوة للكل و لالي كمان ...
بالنسبة للكتب متل ما قلت بيطبعوا 400 كتاب 1200 طالب لهيك لح حاول إنزل جيب الكتب قبل ما يبلش الدوام الرسمي ...نزلت برنامج كويك أوفيس مشان التاب مشان أقرا المحاضرات و عندي محاضرات هل السنة كلها لدفعة الطلاب اللي قبلنا ...
المحاضرات جبتها من النت من هديك السنة ... كنت عم خطط من سنة مو فايق من بكرة الصبح و عم قول بدي جهز حالي للسنة التانية ...
المهم من اللي قريتوا الفيزيولوجيا و النسجبدون كتاب و لح حاول جيبو بالأسبوع الجاي ... المحاضرات عم أقراهون و لهلق ما خلصت شي غير أول صفحة تبع الفيزيولوجيا ((هي تبع السلام عليكم أصدقائي هذه المادة ...)) يعني التعريف بس ...
و بالنسبة للقراراتي فأنا بدي أقرا المحاضرة قبل ما أحضرها و أقعود أول شي و حاول أنتبه كتير لانو تركيزي متل العصفور ... بيتشتت بسرعة ...
و بس لهلق هاد كلشي بدي أحكي عن السنة التانية و بس ...
و بتمنى تطرحوا أي سؤال أو شي على البريد الموجود على اليسار ...
تم كتابة هذا الموضوع بتاريخ 13/8/2014 و مازال العمل مستمراً...
