عدنا ....

بعد ما غبنا لوقت طويل عدنا ... كانت في مشاكل كتيرة و حدة ورا وحدا و التهيت لمرحلة ما عاد فيني أكتب و خصوصاً أنو النت كان أكبر مشاكلي ...

الحمد الله تأمن معي نت و صار ممكن كل يوم أكتب شوي و عبر عن أفكاري بشكل منتظم ...

وهلق بنتركون مع ملخص للي عملتو بهل الأيام ....

واحد قريت كتاب حلو عن ضرورة الالتزام بوجبات غذائية متوازنة ... اسم الكتاب دعوة طبيب للشيخ حسن بن بطلان ... من العصر العباسي ( عم أشير لهل الشي مشان بس قلت شيخ !) 

تنين قدمت مذاكرات بالتشريح و النسج و الكيميا كلها سهلة و النسج كانت حلوة ... كنت قاعد ادام مقابيل المحضرات ... و بس كانت الدكتورة تطلع المحضر كنت أقرا الاسم قبل ما تعرضوا الشغلة كانت كتير حلوة وبكل الأحوال كنت دارس و ما توقعت يصير معي هيك شي ... بس صار ليش أرفض ...

ثالثاً صرت أشتري كتب من البسطات و اللي هي شغلة كتير بتسلي ... السعر رخيص و الكتب حلوة ... متل كتاب التشريح اللي شتريتو مكتوب عليه 15 يورو و استريتوا ب 150 ... العمى عنجد في فرق بالسعر ...

رابعاً قدمت طلب انضمام للباحثون السوريون و انرفضت بسبب ركاكة اللغة العربية ... للصراحة معون حق أنا ما بعرف صيغ جملة فصحة صحيحة ... 

و أخيراً قدمت لمسابقة أولمبياد العباقرة برعاية إسوة ... للأسف كانت مسابقة غير محترمة ... يعني من لجنة التحكيم كان في زلمة حمل حالو و مشي بنص الشرح ؟؟؟ ... طيب هاد الكلام وقاحة  ... و شو بنقدر نعمل ؟أكيد ما بنقدر نردحلو ! ...

المهم عدنا ...

لح حاول ضيف شي عليه القيمة و بس ...

ومازال العمل مستمراً ...