اليوم صرت عم أعرج ... عادة بنزل على الجامعة مشي اليوم نزلت مع أهلي ...
الضربة تبع مبارح كانت تقيلة ... و صرت طول الوقت عم اعرج ... و انا عم أطلع على الدرج و أنا عم أنزل من عل الدرج ... و أنا عم أمشي بشكل طبيعي ...
بمحاضرة التشريح بلشت ألعب ... الدكتور بيان كان عم يحكي عن الشقوق بالدماغ و بعد ما عد الشق رقم خمستالاف قررت افصل و أقعود ألعب بالموبايل ...
العملي اليوم كان نسج ... للساعة تلاتة ... يالله هي غلاظة ...
شو بدي أعمل كل هل الوقت ... لو كانت رجلي منيحة لكنت رجعت على البيت ... بس عم اعرج ... شي مزعج ... ضليت شي أربع ساعات ما عم أعمل شي ...
العملي كان نسج ... المادة متل الخلية تبع هديك السنة ... مملة و بايخة ... ما كتير بدها شغل ...
رجعت على البيت و رجلي عم توجعني كتير ... على الأغلب بعد مانام لح تتحسن ... المهم هاد كان نهاية الأسبوع التانية ...
ومازال العمل مستمراً ...
تم كتابة هذا الموضوع بتاريخ 25/9/2014 ...
لسا ما في نت ...
