لهلق أكتر محاضرة عم لاقيها حلوة هي محاضرة الفيزيولوجيا ... كتير مسلي هل المجال ...بتمنى أتخصص قلبية ...
الطلاب عم يشتروا محاضرات ... و هاد شي حلو ... كأني مو الطلاب الوحيد اللي ناوي يلتزم بهل السنة ... نزلت على المقصف اليوم وبشكل غريب كان المقصف فاضي ... كنا متعودين نلاقي المقصف معبا لبرا ...
في طلاب عم يقولوا أنو في سنافر عم يحضروا معنا مشان يشوفوا كيف لح يكون الطب ... هههه لح يتعقدوا ...
الدكتور بيان اليوم عطانا بالتشريح و كان عم يحكي عن المادة و قال أنو لازم مانتعقد لقبل تشرين التاني .... أنا حاسس حالي من هلق تعقدت ...وحكا شي عن الإكتئاب اللي بتسببو هل المادة ... غير انو في كتير عضلات و كل وحدا شغلت شي ... بتوقع المادة هي لح تكون أصعب مادة ...
بهل الاسبوع عرضوا عالم علي أني أشتغل بمشفى التوليد( مو شغل كدكتور , فيك تقول كناطور أو مستخدم ) هههههه (مو أني شي عبقري بس بدون حدا يشتغل بهل الشي) ... و أنا كتير تحمست مشان هل القصة و انبسطت ... بس اكتشفت أنو كأني لح أتخورف بهل الشي ... التوقيت كان كتير سئ ....
و الشي اللي لح أعملو هو بس استبيان ... يعني ماكتير لح أستفيد مشان دراستي .... و أنا تعلمت من هديك السنة أني ماشغل حالي بشغلات كتيرة ... لهل السبب قررت حط الجامعة أولوية ألي و أشتغل على هل الأساس ...
المهم ... بالنسبة لمشروع الرياضة تبعي ... أنتقلت لمرحلة تانية ... وبلشت نطت على الحبل (ملاحظة الرياضة اللي عم أعلمها مو مشان بناء عضلات (كمال أجسام) أنا عم العب رياضة مشان الرشاقة و الصحة بس ) لهل السبب نقيت هل الشي ... المهم بلشت نط على الحبل و نطيت 350 نطة بيوم ... ولهلق عم توجعني رجلتيني ... ماعم أقدر أمشي ,حاسس حالي عم أمشي متل البطة ... بيضحك منظري ....
نصيحة مني لأي واحد عم يلعب رياضة ... لاتبلش بقوة ... بس يحكو عن حمض اللبن و الآلم اللي بسببوا ... ما بيعطو حقو ...
ومازال العمل مستمراً ...
وتم كتابة هذا الموضوع بتاريخ 18/9/2014...
