حاسس حالي وأنا عم أكتب كأني عم رقم الأيام تبعي و عد كم يوم بقيان لانتحر ... طبعاً أنا من العالم اللي ما بيأمنوا بالأنتحار ... لانو قد من كان الجو بشع هون أكيد بجهنم أبشع ... بقا تحمل و حاول تعيش مع هل القصة ...
اليوم كان كتير معت ... الدكتورة تبع الكيميا تغيرت ... وصار عنا دكتورة جديدة ما فهمت عليها شي من اللي عم تحكيه ... الكتابة كانت كتير صعبة و غير مفهومة و المعلومات كانت كثيفة ...
الفيزيولوجيا ( المادة اللي كنت حاببها ) تشوهت ... صار عندنا الدكتورة أمل ضاهر على ما أعتقد ... و الدكتورة باينتها فهيمة بس كتير مملة ... كنت لح أنتحر اليوم من بياخة النظري ... إذا بيضل هيك طول الوقت ما لح أحضر نظري يوم الأحد ( هاد حكي الطلاب اللي بدوا يحضر كلشي ) هههه ... عنجد الأمر مؤسي ....
قدرنا اليوم نشتري كتابة النسج النظري بس... للأسف كان كتاب الفصل التاني ... مو شتريتوا بالخطأ ... أنا اشتريتوا مشان ما يصير فييي متل هلق ما عود لاقي الكتاب ...
ما حضرت أنجليزي اليوم ... بس استفقدت وين وصلوا و عم تابع بالمحاضرات ... و للأسف اح نبلش عملي بهل الأسبوع ...
الشي الوحيد الي حاسس حالي متفائل فيه هو تشريح الضفادع ... و بس عندي غير هيك حالة إكتأب عامة ...
بالنسبة للرياضة تحسنت ... و الحمد الله بطلو رجلي يوجعوني ... من جهتي لح ضل مستمراً من هل الناحية ... بس إنشا الله بينفع
المهم ماز ال العمل مستمراً...
وتم كتابة هذا الموضوع بتاريخ 21/9/2014
