اليوم هو يوم التنين ... أول أيام العملي ... بالنسبة لدكتور الفيزيولوجيا,لساتو أفضل دكتور لهلق ...
النسج صارت غليظة و مملة و الحضور صاير صعب ... كل يوم عم أحضر فيه عم حس حالي عم يديق خلقي أكتر و أكتر ...
الكيميا بلشنا نحكي بالحموض الأمينية الموجودة بجسم الأنسان ... و هاد الشي ممل بدنا نعرف كل حمض أميني و شو تركيبو ...
التشريح عم يعطينا الدكتور مضر ... و أنا اليوم حديثي عن الدكتور مضر تحديداً ... اليوم عم لاحظ الدكتور ... كتير متلبك أثناء تقديم المحاضرة ... يعني ممكن أنك تميز بين الدكتور اللي ما بيعرف شي ... والدكتور اللي بيعرف بس بيتلبك و هو عم يحكي... الدكتور كتير فهمان بس بدو كم دورة ثقة بالنفس و هيك شي ... يمكن كمان لازمو مهارات الخطابة و بس ...
العملي ممل ... ضلينا ساعتين ملقوحين بالشارع مشان نفوت نص ساعة نحكي كلام بدون قيمة و بعدين يقلولنا أرجعوا على بيوتكون ... عنجد شي مزعج لازم يلاقو حل للعملي ... مو معقول نضيع 10 ساعات أسبوعياً و نحنا عم نستنى العملي ...
المهم مازال العمل مستمراً ...
وتم كتابة هذا الموضوع بتاريخ 22/9/2014...
