اليوم متل بقية أيام الأحد كتير حلو ... ضليت قاعد بالبيت و عم حاول لاقي برامج أحسن مشان الفيديوهات ... بالتأكيد بعد ما خلصت دراسة قريت كم شغلة عن البرامج و قررت أنقل الشغل للكمبيوتر ..
كل الشغل كان على الموبايل و إذا عم فكر بشي من مستوى أعلى لازم أتعلم أشتغل على برامج تبع الكمبيوتر ...
هل الفكرة خطرت لي بعد ما حاولت لفترة طويلة إني ضيف صوت على الفيديو مشان ما يطلع ناشف بس ما زبط هل الشي ...
المهم نزلت شي دزينة برامج و حاولت معهون ولا واحد منهون اشتغل ... و الأهم من هيك بس يطلع رسالة تبع أنو هل البرنامج ممنوع لاني من بلد محظور ... أي تباًَ ... شي بيطقق ...o(╥﹏╥)o
أي, بعد كل هل الشي رحت على اجتماع مشان تطوع ... للصراحة المركز المنظم لهل الشي اسمو مبادرون و أنا لقيت الفكرة كتير حلوة ... من زمان كنت عم حاول اتطوع بشي و للصراحة فكرت بالهلال الأحمر , لانو هل الشي لح يساعدني من ناحية دراستي ...بس ما توفقت كتير كنت عم جهز حالي مشان وافق متطلبات القبول بس ... ما بعرف التهيت ... بس لساتها الفكرة ببالي ... و ح حطها بقائمة الواجبات تبعي ... كل ما لها عم تكبر ...(^_^;)
صار لازم حسن حالي مشان يقبلوني الباحثون السوريون ... انضم للهلال الأحمر ... و أتدرب بشي مشفى ... و حتى الآن القائمة مفتوحة ...
بكل الأحوال ممكن يظن البعض أنو بس الواحد يشغل حالو بأنشطة كتير بيضيع و قت و بيصير ما بيقدر يدرس ... هلق هل الشي صحيح ... إذا كانت الأنشطة كتيييرة بيصير الواحد بيتعب بسرعة و ما بيقدر يدرس ... بس مع هيك بحس حالي إذا ما عملت هل الشي كتير لح يفضى و قتي ... و كمان ما لح أقدر لحق العالم اللي بوسطي ...（＾＿－）
أنا متعود عليها للفكرة ... كنت بالباسل للمتفوقين من السابع ... و الوسط كان تنافسي بشكل كبير ... و عندك واحد من احتمالين :
يا ارتاح و رجاع لورا ...
يا قوم على رجليك و اركض يا دوبك تلحق ...
أي , حتى الآن ما عندي كتير فكرة عن الجو ... إذا سمعني المشرف لح ينتحر مني ... قلنا اسألوا قد ما بدكون بس المهم انكون تطلعوا و إذا أي حدا سألكون تكونوا بتعرفوا شو بدكون تقولوا ... مو تقولوا الشغلة حلوة و بس ...(☆^ー^☆)
و للصراحة ,أنا بس قلت ما عندي فكرة عن الجو ,كان قصدي الناس ... لساتني ما ارتحت للناس تبع الفريق .. ما بعرف يمكن لاني بحسبها كتير ...
بكل الأحوال بتمنى الأحسن دوماً ...
ومازال العمل مستمراً ...
ااااا ... على فكرة هي مازال العمل مستمراً صحيح بقولها دوماً و أنا عم أكتب بس كمان بالحقيقة بقولها , يمكن متعود عليها من أيام السابع بالمدرسة ؟ ...
أي مازال العمل مستمراً ...
وتم كتابة هذا الموضوع بتاريخ 7/12/2014
