كل إنسان عندو موهبة معينة ... البعض بيحكوا كتير, البعض
اجتماعين كتير ,البعض ملتزمين ... و هيك شي... أنا للصراحة مالي شاطر بالكتابة بس
كنت طول حياتي فكر لقدام و أحسب حسابات كانت أحياناً بتخليني فايق طول الليل ...
المهم من هون قررت أعمل شي خاص فيي .شي ممكن منوا فيد الكل و
شي ممكن قدم في سبب حياتي (الشي اللي بستمتع فيه و الشي اللي بقدر أنا أعملوا
بامتياز) " التفكير لقدام " ... اتخيل كل السناريوهات الممكنة لشغلة
معينة و بعدين شو ممكن تعمل ... أنا للصراحة بنحط بموقف... برتعب و ما بعرف شو
أعمل بس مع هيك بتلاقيني عايش حياتي و ما بتلبك كتير بحياتي هيك ... بالمدرسة
الثانوية كنت ما بعرف أقرا أو أحكي قدام الصف ... و هلق وصلت لمرحلة بحكي قدام
صفين تلاتة وما عندي مشكلة ... بستمتع بس بتقديمي نصيحة لواحد من وجهة نظر موضوعية
أو حتى وجهة نظر منحازة ... بس ما بقدر فيد الكل و خصوصاً اللي ما بدون يسمعوا .
أنا من هون و بعد ما تأثرت بعالم أعلى بكتير مني لح حاول قدم
كلشي بقدرتي مشان ساعدكون نصيحة ممكن تسمعوها و تطبقوها و تلاقوها منيحة ... نصيحة
ممكن تكون بسيطة و تغير شغلات كتيرة... نصيحة مني ما بتسوى شي مادياً وممكن
معنوياً تساوي شي .
أنا هون و متل ما عم أكد مازال العمل مستمراً قدموا اقتراحاتكم
لح كون متفتح لألها اطلبوا اي نصيحة لح حاول ساعد و لح أستمر بتقديمي لتدوين يومي
لطالب الطب البشري على مدى 12 سنة إنشاء الله .
تم نشر هذا الموضوع بتاريخ 8\8\2014
