أول محاضرة عملي بالجامعة عندي كانت مزعجة كتيير ... تأخرت على المحاضرة و أنا ما بعرف وين القاعة ... الدكتور كان مبلش المحاضرة و معصب و ما خلا الطلاب يفوتوا على القاعة ... ضلينا برا معاقبين ... لحتى أجى الدكتور سطلي و تشفعلنا .
فتنا عل القاعة مو شايفين شي , مو فهمانين شو عم يصير و طلبوا منا نطلع من المجهر و نقلون شو عم نشوف .... هاه .
ماشي أنا شايف كم دويرة و نقطة وتغبيشة و مستطيل ,شو هاد دكتور , طلعت خلايا البصل ملونة باليود ... حلو منيح أني قدرت ميز المستطيل لأنو الكلام صح ...
بس ما بيطلعلكون حكي عملي الحياة حلو كتير و خاصة وقت الامتحان ... طلعلي دماغ خاروف تشريح ورسم للطور الرابع ... سهل كتير كميش الدماغ و قصوا بالنص و بتطلع خالص عمل ... بقي عليك الرسم ... الرسم كان كتير سهل و كنت بجيب علامة عالية بس لو كنت متذكر البطينين الجانيين ... الله يجعلها أكبر المصايب .
الخلية كانت بتديق الخلق ... و خصوصاً وقت المحضرات تبع المجهر الألكتروني ... بس قعود و شوف شو بيحكي الدكتور واكتوب ... الفحص كان بيلبك ... عشرين طالب ... عشرين محضر ... أتحرك 18 مرة ... بعدين يتركوك ترسوم أخر محضرين رسم عادي ... كمان بدعت بالعملي .
الفيزيا الفحص تبعها كان ورق و العمل على طول السنة كان عبي دفتر عملاق كتابة اشتغل بشغلات بتلبك كتيير و بس ...
العملي تبع الفصل الأول كان كتير سهل و حلو ... الغلاظة كان بالعملي تبع الفصل التاني .
الكيميا كانت مزعجة كان لازم تجري التجارب و تورجي الدكتور و هيك شي و أحياناً بيسألك وأحياناً لا ... يعني كانت الكيميا مزعجة أكتر من صعبة .
التشريح كانت صعبة كتير ... العضلات كلها لحمة ... و عود سمي اللحمة كل وحدة بأسمها ... صعب ... ممكن يقلك :
لا بتكون واضحة و في أدلة وقت الفحص و بعرف كلشي ببساطة
أنا بقلك اللي بيجيب علامة عالية يا حظو حلو و المحضرات سهلة و واضحة يا هو حظو حلو وشلفون كلون صح .
الجنين كانت مزعجة بالرسم ... كتير الرسمات صعبة و التلوين صعب و الدراسة صعبة و كلشي بس العلامة بتنجاب و ما بدها غير الشغل .... صحيح الشغل صعب ... بس بمرحلة من المراحل بتلاقي الشغلة ممتعة.يعني صحيح صعبة بس مو مستحيلة مو متل التشريح ... بالمعنى الحرفي ما عرفت على شو عم أتطلع سواءً كان ذراع و لا ساق ... يعني شي بيبكي...
المهم هاد عملي السنة الأولى و بتوقع هاد كلشي ... بحال عندكون أي سؤال أو أقتراح أو أي شي ممكن ترسلو على البريد الموجود على اليسار...
تم نشر هذا الموضوع بتاريخ 8\8\2014 و مازال العمل مستمر ...
