البارحة كنت عم أحكي عن أخر تصور لألي بخصوص المدونة وتذكرت , كل الطلاب و الشباب بهل المرحلة بيحسوا بشعور غريب , شعور تقريباً متل الشعور اللي بيقلك أنك لازم تعمل شي أنك لازم تحقق شي :
ما بدي كون طالب بس وما عم أقدر أعمل أي شي ... أنا ما بدي كون بس هيك دكتور, مهندس, مكانيكي أو أي شي ... يكون هادا شغلي و هاد اللي بيجبلي مصاري و بس ... أنا بدي أعمل شي ... بدي أخترع شي أختراع , بدي أنجز لي شي أنجاز و مابدي أذي حدا بدي ساعد العالم ...
بالتأكيد بدي ساعد بشي .
هاد الشعور مفروض يتواجد بهل المرحلة من العمر ... هاد الشعور ممكن يوصلك لشي ماكنت تتوقعوا ... وممكن هو يكون أساس أي عمل ممكن تعملوا .يعني ما حدا من الطلاب بيتمنى يكون طالب بس وما يصل لمستوى يكون في أعلى من البقية .
بالتأكيد لازم تشتغل ... لازم تحب الشغلة اللي عم تشتغل فيها ... لازم تأخلص لكل العالم ... بس هل الكلام سهل كتابة ,و سهل قرايتو ,بس صعب كتييير تطبيقوا... و لهلق عم حاول وصل من محلي لشي محل كون فيه أعلى من مرتبتي ... ما بدي و لازم كمان يكون ما بدكون أنو تكون هل الطبيب أو حتى الطالب اللي وجودوا متل عدموا ... و عم أحكي عن حالي بس قول أنا بتمنى كون هاد الحجر الأساسي بأي مكان ... بحيث ساعد الكل و حسن أي شي ... عم أحكي بالتأكيد عن وظيفتي ... أو عن مرتبتي ... يعني كطبيب أو كمهندس شو ممكن تعمل أو كطالب شو ممكن تعمل ؟
وهاد موقع ممكن تشوفو فيديوهات من عالم ناجحين و عنجد بيحكوا من قلبون و بدي قلكون الفاشل بيتمسخر عل الكل لأنو بيتوقع ماحدا بيقدر يطلع فوق مرتبتو هو عجز عن أنو يطلع ليش العالم تقدر ...و الناجح بيقدر كل فكرة قد ماكانت بسيطة لأنو بيعرف أنو هو كان بهل المرتبة و الطريق مو مستحيل و ممكن توصل فيه .و هاد الموقع :
لح جاوب جواب بتوقع بيساعد أكتر مني بكلشي ... حب كل العالم اللي حوليك ... حبون بشكل بتحس حالك مستعد تمسكون و تنزل فيون تبويس ( أوعكون تعملوا هيك شي ... بيفكروكون مجانين ) ... بس ليش المحبة المفرطة ؟ ليش تحب أي واحد بهل الشكل ؟ لأن بس تحبوا بتلاقي الطريقة الممكن تساعدوا فيها مباشرة ...
أنا كطالب طب ممكن فيد العالم بالإسعافات الأولية.بس ممكن تقولوا: مالها قيمة ... صدقوني إجراء بسيط ممكن يغير شي كتير.
أنا كطالب هندسة ممكن ساعد العالم بتعليم الطلاب رياضيات . مو ضروري دروس خصوصية ... شي فكرة شي خاطر ... أنت هلق عم تاخد الرياضيات بأصعب أشكالها حكي شي كلمة علّم العالم.
حتى الآن اللي قدمتوا و اللي وصلتلوا و اللي قدرت عليه ما بيسوا شي ... بس لساتني عم حاول لأنو بالفعل بحب كل العالم اللي حولي ... بالفعل كنت مفكر أنو الخير خلص من العالم بس بعض العالم بس تحتك معون بتحس أنو لسا في خير ... أنو لازم تعمل شي تردلون الجميل ... عالم عم تشتغل من دون مقابل ... تحية مني لكل مين قدم عمل تطوعي بحياتوا كلها قد من كان بسيط .
سمعت عن عالم عم يساعدوا مرضى السرطان دعم نفسي لأنو ما ممكن يعملوا شي تاني ... سمعت عن عالم يخاطروا بأرواحون ( كلمة أرواح جرا أستعمالها كتير بس الصراحة هنن عم يخاطروا بأجسادون ... أرواحون الله حافظها و ما حدا بيأذيها ) مشان يسادعوا عالم تانين.
وبالمقابل عشت مع عالم ما بيستاهلوا تضيع ثانية من وقتك بالحكي عنون و ثانية من وقتكون مشان تقروا عنون .
الزبالة معروفة و ماحدا بدو يحكي عنها مشان يوضحوا "زبالة" ...
بينما العالم اللي بتستاهل تحكي عنها ما بتقدر تعطيها حقها ...
أنا متل ما عم قول دوماً مازال العمل مستمراً و تم نشر هذا الموضوع في 8\8\2014
جانبياً بدعو كل العالم عنجد يحبوا بعضون و كل أخطاء العالم بسيطة و ممكن تتحملوها و ممكن تتجاوزوها .
وشكراً
