فرق كتابة المحاضرات واحدة من أجمل الأشياء في الجامعة... أولاً فريق كتابة المحاضرات هو غالباً فريق تطوعي مكون من أفراد أحدهم يقوم بتسجيل المحاضرة و كتابتها على ورق ,و من ثم يقوم شخص آخر بنقل هذه الكتابة إلى ملف ورد ,و يأتي شخص آخر ليدقق و يطبق قالب معين عليها ...
نعم ممكن تحس أنه عدد كبير بالنسبة لهذا العمل البسيط ولكن ... ليس لديك أي فكرة عن صعوبته و ليس لديك فكرة عن جماله...تخيل أنك تكتب لمدة ساعة أو ساعتين متتاليتين ما يقوم الدكتور بقوله حرفياً و تحدد ما يعطيه من ملاحظات ... أكيد هادا الشي صعب ... طيب و اتخيل أنك لازم تكون واحد من الطلاب الموجودين أول شي مشان تقعد أدام الدكتور و تسجل كلشي ... طيب و اتخيل كمان أنو مو مسمحلك تمرض أو تغيب إلا إذا كنت مخبر حدا قبل بفترة ...يعني لازم تكون مخطط للمرض تبعك و بتعرف ايمتى لح تمرض و إذا مرضت فجأة لازم بمرضك تدور على حدا يحل محلك ...
بعد كل هل الشغل طلاب الدفعة كلها بقروا الكلام اللي أنت كتبتوا و ممكن أو مو ممكن يشعر بالامتنان ... وللصراحة أي واحد ما بيحس بالنعمة اللي عندوا ياها ما لح يقدر قيمة هل الطلاب ... وبكل الأحوال هاد النموذج من العالم ما لو قيمة ... بس العالم اللي بتقدر قيمة النعمة هي اللي بتسوا و هي اللي بتعرف قيمة هل الطلاب وهنن العالم اللي لح يقدروا طلاب فرق المحاضرات و ما بدك غيرهون ...
تحية مني لكل طلاب كتابة المحاضرات عنجد كلمة نعمة بتلبقلكون ...
ومو بس هنن في طلاب كتير بيطروا العقل متل الطلاب اللي عملولنا الاطلس مشان ندروس منو , أو طلاب اللي صوروا الفيديوهات تبع التشريح (بالرغم من أنو في واحد من الفيديوهات كان في طالبة واقفة فوق الكميرة و عم تحكي طول الوقت.. بس هاد ما بيلغي امتنانا للفريق اللي عمل هل الشي لانو الغلط مو منون و الغلط دقيقة من فيديوا واحد من أصل عشرة أو أكتر يمكن )
بالنهاية ليش ممكن تفكر تسجل بفريق كتابة محاضرات لأنك ممكن تستفيد من الخبرة , الالتزام , أنو ينعرف اسمك , هدول الناس اللي لح يكونوا ممتنين إلك و إخيراً الجو بمن فيه حلو ... يعني طلاب كتابة المحاضرات معظمهون كتير حبابين و الخلطة معهون ممكن تخليك ما تحس بكل هل التعب .
وكل هل الكلام مشان تعرفوا شو عم يستناكون, لانو بعد ما يبلش الفصل الأول لح يكون الانضمام لفريق كتابة محاضرات شبه مستحيل ,ليش ؟... لانو كل الطلاب ممكن تفكر تنضم لهل السبب ممكن أنت تسبق كلشي و تفكر قبلهون ... كيف؟... قبل بداية السنة ماحدا بيعرف شي و الكل ملبك بالتسجيل ,و الفرق هلق عم تستقبل طلاب مشان يسجلوا معهون بهل المعمعة كلها ,دخول بالنص بتلاقي حالك بفريق كتابة محاضرات ...
للصراحة أني حاول فيدكون ما بقدر , اسماء فرق المحاضرات كل مرة بتتغير بس في الفريق اللي كتير منتشر هو فريق RBC's وهاد واحد من اكتر الفرق الحلوة ...بحسب واحد من رفقاتي :
كأنوا بيعملوا طقوس للدخول للماثونية , بكل اجتماعكرية من RBC's
اي و اهم الشي أنك بتاخود المحاضرات ببلاش... يعني هنن بنزلوهون على النت و بيعطوك ياهون ورق ببلاش ...
و للملاحظ و أنت عم تدرس عقلك بيحفظ شكل الورقة و الوسيلة الالكترونية ما كتير بتساعد ... بتقدم حل أو تسنيدة للطلاب اللي ما بيقدروا يشترون . بس مو حل نهائي .
المهم هي حساب للفريق ممكن تحكوا معون من هل الرابط :
أو هاد اللي أنا بتوقعوا هاد ,الحساب باسمون و ممكن يساعدكون ,وبكل الأحوال لا يخفا القمر ممكن تدوروا عليهون بالفيس و بيلتقوا بسرعة
بما أني حكيت عن التسجيل ممكن دلكون شو ممكن تعملو وقت التسجيل بموضوع تاني بكل الأحوال لح حاول أكتب كلشي بعرفوا عن السنة الأولى قبل بداية السنة التانية فيكون تكتبوا شو بدكون احكي عنوا بالتعليقات اللي تحت ,لح أنشر كلشي بقدر عليه .
و هلق و أنا عم نزل الصور كنت خالص كتابة الموضوع حسيت بشعور محبة بشكل كبير بس لقيت كيف كل طلاب الفريق منزلين علامات المواد و مباركة للعيد و قرار التكميلي و شغلات كتير حبيت قول للفريق من جديد شكرا كتير على تعبكون معنا...
تم نشر هذا الموضوع 4\8\2014 و العمل مستمر ...
