بعيداً عن مفهوم السخرية , وبعيداً عن عديد من الأمور التي يمكن الضحك عليها تعلمت من السنة الأولى أشياء لم أكن أعرفها و لم أكن أتخيله ومنها:
- المواد الهامة ,يجب حضور المحاضرة والانتباه للدكتور ... كيف يمكنك أن تعرف ما هي المحاضرة الهامة ؟ يوجد دليل على النت يدعى حكيم لكل سنة وبالفعل الكلام المذكور فيه حرفي ودقيق
- المواد غير الهامة, يمكنك أن تستغني عنها و كيف تعلم أن المادة هامة ؟ ببساطة عندما يقال أن هذه المادة أسئلة دورات فهي مادة بسيطة ولا يجب الاهتمام بها و لكن وجودك ضمن المحاضرة يعطيك فكرة عما يحدث
- يجب أن يكون لديك طلاب من السنوات المتقدمة لأن نصيحة بسيطة يمكنها أن تعدل على طريقة تعاملك مع الأمور , كتاب غير موجود يمكنك أن تستعيره , الجمجمة من أجل الدراسة هامة جداً و عليك أن تعلم جمجمة حقيقية و ليس جمجمة بلاستيك عدد الثقوب على الوجه السفلي بيعمي على القلب
- المجتبى لا تخف منه يمكنك أن تنهي كل المجتبى في يوم واحد أو يومين قبل التفتيش و لكن مجتبى التشريح و الجنين أصعب من ذلك , بالإضافة إلى أن بعض الدكاترة يقومون بتفتيش لذلك أحذر .
على ما اعتقد هذه هي الأمور الهامة بالتأكيد يجب عليك أن تحصل على أصدقاء وصدقني هذا ليس بالأمر الصعب فمعظم الطلاب أذكياء و ظريفون قلما تجد شخص لئيم أو غليظ .
بالنسبة للدراسة ممكن أنك تحضر المحاضرة قبل ما تبلش ,صحيح الفعل يمكن يخليك تحس كتير بالولدنة ,بس التصرف مفيد بشكل كبير ... لا تطبق هل التصرف على الخلية أو القومية أو العربية ,يمكن تطبق هل التصرف على التشريح ,فمثلاً الدكتور عم يذكر العضلات و يوضح عمل كل عضلة وأنت حافظ العضلات بتفهم كتير وبتلاقي حفظ العمل أسهل و بتصل للفحص كلشي سهل بالنسبة إلك.
و أخر نصيحة أقرا أسئلة الدورات بتساعد كتير مشان تعرف كيف الدكتور بيفكر : هل المعلومة مو كتير هامة ,هل المعلومة كتير هامة ... مالك بحاجة حدا يشرحلك شو تعمل أنت حكيم حالك و أنت بتحدد ,و المهم أنت بتتحمل المسؤلية ,و إذا كان في خطأ بتتعلم من الخطأ كل واحد بتعلم من كيسو.
هلق لح حط كم لينك مشان يساعدوكون:
الأول هو لينك موقع حكيم والتاني هو لينك تنزيل كتاب حكيم
الموقع حلو بس بتوقع أنو ما حدا عم يحدث الموقع أخر خبر تم نشرو من 2012 صحيح مكتوب تحت التحديث 2014 بس بتوقع هل شي أتوماتيكي. لذلك إذا في أي سؤال تفضلو بسؤالي سأحاول جاهداً أن أرد عليه.
و هي رابط سوبوتا العربي بتوقع بيفيد يمجال التشريح بالفصل الثاني ممكن جرب رفع المحاضرات مشان تستفيدوا لانو كنت بتمنى لاقي المحاضرات قبل ما نخدها مشان حضر بس ما كنت لاقي شي بقا بس أقدر دبر المحاضرات ورفعون مع الفيديوهات لح انشر الرابط و بتمنى تستفيدوا
و بالنسبة للفرق حدد الفريق اللي بدك تشتري المحاضرة منو لأنو بتنزعج كتير بس تكتشف أنو المحاضرات عم تلغي الأرقام و الدكتور بدوا الأرقام ... لذلك أنتبه من وين عم تشتري المحاضرة ومن أي فريق .
هذا كل شئ بالنسبة لهذا الموضوع لح أحكي عن مجموعات كتابة المحاضرات مستقبلياً و ممكن تحددوا أنتوا شو بيناسبكون بعد ما تجربوا.
هذا الموضوع تم نشره في 3\8\2014 و العمل مستمر...
