بالتأكيد النقلة من مفهوم المدرسة العادية والتي تعتمد على دوام متواصل ودراسة متواصلة (دفتر المبيضة والمسودة ودفتر الوظائف , السؤال بلون والجواب بلون ) لمفهوم الجامعة .... (ما بتشوف الدكتور إلا بالصدفة) كان صدمة كبيرة...
أول شئ حاولناه هو حضور كل المحاضرات (وبالتأكيد التطبيق أصعب من الكلام ) استمر هل الأمر ثلاثة اسابيع و من ثم إذا ضيعت أي طالب من طلاب السنة الأولى كنت بتلاقيه بالمقصف ....هههههه مقصف الطب البشري كبير بس ما كان فيه غير طلاب السنة الأولى .
بالتأكيد في طلاب بيحكوا و بينفذوا و هدول الطلاب شاطرين بس أنت عم تعيش مرحلة الشباب و الطيشنة و هدول الطلاب ممكن بمرحلة يزعجوك ... ومن هون صار أسم هدول الطلاب نيردز.
أول شئ حاولناه هو حضور كل المحاضرات (وبالتأكيد التطبيق أصعب من الكلام ) استمر هل الأمر ثلاثة اسابيع و من ثم إذا ضيعت أي طالب من طلاب السنة الأولى كنت بتلاقيه بالمقصف ....هههههه مقصف الطب البشري كبير بس ما كان فيه غير طلاب السنة الأولى .
بالتأكيد في طلاب بيحكوا و بينفذوا و هدول الطلاب شاطرين بس أنت عم تعيش مرحلة الشباب و الطيشنة و هدول الطلاب ممكن بمرحلة يزعجوك ... ومن هون صار أسم هدول الطلاب نيردز.
أول محاضرة حضرتها كانت محاضرة حياة .بالطبع كتبنا كل الكلام اللي حكيتو الدكتورة ... (سنافر شو ممكن تقول )و ارجعنا عل البيت حفظنا بصم.
الفيزيا الطبية كانت بايخة الدكتورة كانت بتتفرج على السلايد و بتتفاجأ بالمعلومة اللي عم تقراها .كنت بتحس الدكتورة وكأنها عم تقول من وين جابوا هل الحكي .
العربي بالمعنى الحرفي ما بعرف شكل الدكتور أو الدكتورة ما دخلت عل العربي أبداً ... ما كنت طيق العربي ومالح بلش.
بالانجليزي الدكتور ما بيعرف يحكي و الكتاب بايخ كلو انشطة ,جيب رفيقك و اسئلو شو لونك المفضل ,جيب رفيقك و اسئلو شو اكلتك المفضلة , الموز لونو اصفر ,البندورة لونها أحمر .... بعد هل المعلومات عرفت ليش الطبيب كتير ذكي.
الخلية مادة صعبة بشكل خيالي ,الكتاب كبير ,الدقة بالمواضيع مزعجة ,كان نقلة كبيرة ... من جهتي كنت عرفان أنو المادة لح تعذبنا لهل السبب درستها كتير بس ما أفلحت نموذج الأسئلة (اتمتة لسا ما تعودت عليه ) ما ساعدني ,و من هون ما كتير طلعت عبقري
وهدول كانوا مواد الفصل الأول على ما اعتقد.
هدول مو المشاكل ,فيك تقول أنو المشاكل كانت كيف ممكن تدبر كتب لأنو بيطبعوا الكتب على أساس في 400 طالب و نحنا شي 1200 طالب ...كيف تتعامل مع المجتبى ... كيف نمط الأسئلة ... و أهم الشي كيف نمط الأجوبة بمعنى أخر لا تتمنى تعرف السؤال لازم تتمنى تعرف الجواب لأنو كيف الدكتور بدو الإجابة صح و لاغلط المهم تجاوب متل ما بدوا الدكتور.
كل الأجوبة صح بس أنا بدي الجواب يكون ديالدكتور.
بالمستقبل عن لح أحكي الفصل التاني و كيف التسجيل وغلاظة وراق التسجيل و شو عملنا
بس هل الشي بدو وقت.
هذا الموضوع تم نشره في 2\8\2014 و مازال العمل مستمراً...
