أبحاثي عن السنة التانية

اليوم قريت عن السنة التانية و قريت المواد و اسماء الدكاترة ... حتى الآن حاسس حالي لح أبكي ...

السنة التانية على ما يبدوا صعبة بكتير مقارنة بالسنة الأولى ... التشريح اللي كان وحدة من المواد الصعبة اللي بدها شغل مصنف بهل السنة أنو مادة سهلة ... الفيزيولجيا على ما يبدوا أصعب مادة بين كل المواد ... الكيميا بتضل سهلة و الانجليزي صار بدوا حضور ... النسج أصعب من الخلية .

كل هل الكلام لسا من وجهة نظر خارجية لأني لسا ما جربت ... بس لساتني خايف ... قاعد عم أقرا و عم حاول أحفظ اسماء دكاترتي لأني كتيير بنساهون بسرعة ... ماشي بالطريق و عم عيدون طالع منظري بيضحك بس ضروري مشان أعرف أتعامل معون لانو الطلاب بيحكو بيقولوا الدكتور كذا بيحب كذا و هيك و إذا أنا ما بعرف مين الدكتور كذا ما لح استفيد ...

صار لازم صير من الطلاب اللي بيعدوا بأول مقعد ... وصار لازم أنتبه أكتر على كلشي ...لساتني خايف ... السنةالأولى كنت يا دوب بحضر و هلق صار لازم أنتبه لكلشي لانو كل المواد صارت أصعب و صار لازم التزام أكتر ...

قريت كمان عن تنخيع الضفادع .... ياي لح نخع مبسوط كتير ... و صار عندي حجة مشان أطلب من أهلي اشتري ضفدعة ... ياي ... قريت أنو في طلاب ما بيحبوا ينخعوا الضفدعة مشان حقوق الحيوان و هيك شي ... بقدر أنا نخع ضفدعتون ؟... ما أنا مبسوط أكتر الشي بتنخيع الضفدعة ...

ما عندي خبرة بهل الشي بس اللي بعرفوا من الليقريتوا و اللي حكالي عنو الاستاذ تبع العلوم هو أنو تنخيع الضغدعة بعني تخريب المخ مع عدم المساس بالنخاع الشوكي مشان دراسة المنعكسات...وهاد بيكون يا عن طريق حط إبرة براس الضفدعة و تحركية حتى يخرب المخ ( أبسط سناريو ) يا عن طريق حط مقص بنص تم الضفدعة و قص الراس بالنص ( تاني أبسط سناريو ) يا عن طريق مسك الضفدعة بين الاصبعتي التانية و التالتة بطريقة بيكون فيه الراس لبرا و الجسم لجوا و ضرب الضفدعة عند راسها مرتين لتلت مرات على الطاولة ( أحقر سناريو ) و بعتذر عن دموية الموقف  ...

وانا عندي نظرية من مشاهداتي و قرآتي هي أنو الضفدعة بتشبه الإنسان من ناحية المنعكس الشوكية ... القرود من حيث الذكاء بالاختراع و التعامل مع المشاكل ( هي بعد البشر بسلسة التطور مباشرة ) ... الخنازير مشان تجارب زراعة الأعضاء و الرفض النسيجي ... الأرانب من حيث مشاكل القلب ... الجرذان من حيث التعامل و السلوك الأجتماعي ... شو يعني كل هل الكلام اللي عم أحكي ؟ ... الإنسان هو خليط وبس بدون يجروا تجارب مماقلة لوضع الإنسان بيأجروها بهل الترتيب و على الحيوانات مشان يحصلوا على نتائج مقاربة للواقع بالنسبة للإنسان دون إجرائها على الإنسان( لهل السبب حتى لو قتلنا ضفدعة ممكن بدراستنا حالياً و أبحاثناً مستقبلياً ننقذ حدا) بتضل هي نظرية من عندي ممكن تكون خطأ ممكن تكون صح وممكن تكون بدها تصحيح ...

وآخر قراراتي أني لازم خلي الدكاترة يحبوني و يعرفوني مشان أرفع معدلي ... و الآن نترككم مع غاز مسيل للدموع ... نسبة النجاح في الفيزيولوجيا 65% نسبة النجاح بالتشريح 72% نسبة النجاح بالنسج 54% و 75% للكميا و 43% للأنجليزي إلعما أديش الانجليزي باينتها صعبة ...

الله يعينا و فوق كل هل الرعبة لسا ما عندي فكرة كيف لازم أدرس مشان جيب علامات عالية ...

تم كتابة هذا المقال بتاريخ 11/8/2014 ومازال العمل مستمراً ...