بمناسبة الجامعة ...

أولاً مبروك لكل الطلاب على السنة الجديدة بالجامعة ...

من جهتي حاسس حالي خايف ... و بتوقع هل الخوف بعد ما فتحت النت ... معظم الطلاب بالمجموعة بيكونوا مرعوبين و بيحكو بطريقة بتخوف بتخليك تحس كأنك ولد صغير مومجهز شي للجامعة ...

بكل الأحوال أنا مبسوط أني خلصت من مرحلة السنفرة ... ( للصراحة ما كانت مزعجة ) ...و صرت طالب سنة تانية ... و مبسوط لرفقاتي اللي أصغر مني بسنة و اللي لح يصيروا السنافر تبع الجامعة ...

الملخص حتى الآن ... درست ألماني ... درست كم محاضرة ... و إنشاء الله داخل على هل السنة بأصرار أكتر من السنة اللي قبل ... 

ناوي ساعد طلاب السنة الأولى تبع الدفعة الجديدة ... وناوي كون مساعد لطلاب دفعتنا ... وللصراحة ماكنت كتير مفيد ... بس لح حاول ... 

المهم لقيت كم فيديو من جامعة أمريكيا ,عم يحكو عن الفيزيولوجيا ... لح حاول حملون على المدونة مشان ساعد فيهون ... بركي الطلاب ممكن يستفيدوا ... و لح حمل الصور تبع العملي بكل جلسة مشان ساعد الطلاب ...

وبعيداً عن كل شي أنا بدي ساعد العالم بدون منفعة ... لأنو هل الشي بيعطي شعور حلو , بس تقدم للناس بدون ما تنتظر شي بالمقابل ... 

بتمنى يكون كلامي مفيد و شكراً ...

ومازال العمل مستمراً ..

تم كتابة هذا الموضوع بتاريخ 12/9/2014...