دخلنا بالأسابيع الآخيرة تبع الفصل و قربنا على مذاكرات العملي ... الأسبوع هاد عنا مذاكرت النظري تبع العملي ... و اللي بعدوا عنا مذاكرات العملي تبع العملي ...
الوقت قليل كتير و الشغل كتير ... بس بكل الأحوال عم ندرس ... المهم مبارح ما لحقت أكتب كنت عم أشتغل مشان الفيديو ... بدي أعرض أفكاري عن طريق شي تاني ... وما خطر على بالي غير الفيديوهات ...
كنت عم جرب أكتر من برنامج مشان شوف شو ح يزبط معي و أخر شي علقت على برنامج حسيت حالي حبيتو كتير ...
بالبرنامج ما عرفت عن شو بدي أحكي قمت حكيت عن الفيزيولوجيا ... متل عنوين رئيسية بس ... و ح تابع على هل المبدأ ...
وهاد هو الفيديو :
المهم على مايبدو الفيديو حجمو كبير ... و كنت عم فكر أعرض الموضوع عن طريق صور GIF بس ما نفذتها لانو دقتها كتير منخفضة ...
بكل الأحوال لساتني بطور التجربة و عم شوف شو ح نقي آخر شي ... عم فكر جيب برنامج أزبط يخدمني بطريقة أحسن ... و هي الشغلة حلوة بالناس , أنو بيتعلموا بسرعة بس يتدربوا ...
وعم فكر زيد عدد الصور اللي بتنعرض بالثانية و كمان زيد التفاصيل ,مشان حسن سلاسة الفيديو...و أعتمد على شرح الأفكار المختصرة بس ... و كمان بدي برنامج بيروح الخط البشع تبع إيدي ...هههههههههه ..😝😝😝.
أي و هاد كلشي عندي ...
إذا في أي أفكار ساعدوني ...
المهم مازال العمل مستمراً ...
وتم كتابة هذا الموضوع بتاريخ 5/12/2014
