أي خلصنا اليوم من التشريح , و الحمد الله كانت كتيير بايخة ... كم صورة و كم مسمى و الوقت ممتاز ... مقارنة مع الملف الللي كنت عم أدرس منو, التشريح كانت لعبة ...
بالنسبة للمسابقة اللي كنت مشترك فيها كتير نزلوا أصحاب هل المسابقة من عيني ... يعني على أساس منظمة أسوة منظمة محترمة و إلى آخره ... بس الطريقة اللي عم يعرضوا فيها هل المسابقة صارت على نموذج مسابقات سريتيل ... تبع أرسل رسالة لتزيد فرصك من الربح ...
بعد ما صار لازم نروج لفكرتنا و بعدين يصير في تصويت ... و كل صوت بـ300 ل.س بتحس أنو صارت بس مشان يجمعوا مصاري و المسابقة كلها على بعضها فقدت مضمونها ...
من زمان قريت مقالة عم يحكوا فيها أنو نموذج المسابقات هو النموذج الأمثل اللي بتحصل فيه الشركة على اللي بدها ياه ... يعني بيتقدم شي 200 شخص على سبيل المثال كل واحد بفكرة . الشركة بتاخد كل الفكر وبعدين بتنقي شخص واحد بس .... وبتطلع هي المستفيد الوحيد الفكر كلها بتستفيد منها و بتكافأ واحد بس ...
وللصراحة حلو المبدء تبعها ... يعني بس تنعدم المنافسة بتلاقي السوق بيضعف من كل المجالات و بيصير كل الأفراد اللي بل السوق مرتاحين و ما بدون ينافسوا ... المهم أنا مابشتغل بالاقتصاد مشان أشرح كل هل الكلام .... أو على القليلي أفهموا ...
ممممم... قربت الفحوصات و إذا بدي فكر بحجم المحاضرات اللي مطلوبة مني ممكن جن ... في عدد خيالي و ما بتوقع لحق كلشي ....
اي و هاد كلشي لليوم ... بكرا في جلسة كيميا عملي ... لسا بتذكر بس نقلت نص الفئة تبعي و أنا شالف الأجوبة ... ههههههه شي بيضحك ... طالع و الكل كاتب نفس الجواب بس ما حدابيعرف إذا صح ولا خطأ .
و اليوم بلشت إطلاع على مرجع للأمراض ... للصراحة ما بعرف شو بدي أعمل بحالي ... لازم أعمل شي مشان أرفع مستوي من المفاهيم الطبية ... بس دوماً بنتهي بشي مالوا قيمة ... يعني هاد اللي بلشت أقراه هو مرجع ... متل واحد عم يتعلم عربي و قرر يحفظ القاموس !...
بتوقع حالي إذا لح أبدع بشي ... فالمجال اللي كتير فهمان فيه هو لغة الجسد ... لح شوف لوين بصل إذا تعمقت فيه ... بتمنى ما أصل لنهاية مسدودة ...
ومازال العمل مستمراً ...
تم كتابة هذا الموضوع بتاريخ 2/12/2014
