السبب اللي خلاني أقرا الكتاب هو أني بعد هل المواضيع قررت حاول فيد أهلي ... و بما أنو أهلي كبار بالعمر قررت أنو التمارين اللي ممكن تحسن من مرونة جسمهون مهمة ... و باعتباري طبيب مستقبلي , أني أعرف أساسيات الرشاقة و الحفاظة على ليونة الجسم هو أمر ضروري ...
بلشت بالكتاب اليوم ... و أنا عم أقرا الكتاب لقيت تلت فحوصة ممكن تعرف فيها أديش عضلات جسمك مرنة ... وكل ما زادت مرونة العضلات نقص احتمال آلم الظهر و المفاصل ... الاختبارات التلاتة نجحو أهلي ( أمي و أبي فيهون برياحة ) ... و أنا ما قدرت أنجز نص هل التمارين ...
تباً ... كنت بدي بلش تحسين الوسط اللي حوالي و قررت بلش بالدائرة الصغيرة اللي حولي و اللي هي عيلتي ... طلعت لح بلش بالدائرة الأصغر و اللي هي جسمي ...
بعد ما اكتشفت أني شب بعمر 19 السنة و ما بقدر أنجز تمارين لياقة ... يعني بس يصير عمري 40 سنة شو ما لح أقدر وقف ؟ ...
طيب ... صار عندي مشكلة تانية ... المهم أنا لح أعلن عن أطلق برنامج رياضي لنفسي ... بدءً من اليوم ... التمارين اللي بلش فيها بحسب الكتاب هي ... واحد التمرين اللي بنعود فيه على الأرض و بتلمس أصابيع رجليك و هنن مفرودين و بتحني راسك .
تنين التمرين اللي بترفع فيه رجلك على طاولة أو عضادة و بتلمسون بأيديك .
التالت التمرين اللي بتحط كرسيين و بتعود على واحد و بترفع رجل و حدة بتناوب و بتلمسون بأيدتينك .
و تمريني المفضل : المطمطة ... متل القطاط على حد تعبير الكاتب ...
بحسب الكتاب لازم التزم 5 إلى 10 دقائق يومياً ... و لمدة تلت تشهور و بصير منيح ... و بعدين بلتزم فيهون لمدا الحياة ...
يمكن يفكر البعض أنو هل الشي صعب ... بس أنا عم أشتغل مقابل صحتي للمستقبل ... يعني بتستاهل الشغلة ... بس يصير عمرك 50 سنة و أنت قادر توقف و تمشي و أنت مرتاح ... والله بتستاهل القصة ...
و بنقل قصة من دكتورنا عن مرض ... هاد المرض وراثي بيخلي المفاصل تتعظم ( تصير عظم ) بسن معينة ... بتبلش بآلم بالظهر ... و الدكتور قال أنو بس يجي المريض لعندون بهل المرحلة ما بيقدروا يعملوا شي ... بيقولوا للمريض نام على ضهرك و لاتتني ضهرك أبداً ...
اللي بيصير أنو المفاصل بتتعظم و المريض بيضل على هل الحالة و جسموا مفرود و بيقدر يمشي بسهولة ...ولو كان محني ... بيصير في مشاكل بالأعصاب ... و بتنتهي بفقد الحس و حتى عدم أمكانية الركض بهل المرحلة ... بسبب الضغط اللي بيصير على العصب و قت الحنية ...
المهم البرنامج الرياضي الخاص فيي بلش ( أنا أطلقتوا من حالي لحالي )...
و مازال العمل مستمراً ...
تم كتابة هذا الموضوع بتاريخ 4/9/2014 ...
