أعلنت وزارة التربية و التعليم في الجمهورية العربية السورية صدور نتائج الدورة التكميلية للتعليم الثانوية بفرعيها العلمي و الأدبي لعام 2014-2015 ...
هي الجملة اللي لح تسبب أكبر عدد وفيات بسوريا لهل السنة ... طلعت النتائج ... فتاح النت عم يعلق ... فتاح النت عم يعلق ..لحق حالك قبل ما تنقطع الكهربا... وصلت للصفحة الرئيسية و بدك تدخل رقمك الامتحاني ... دخلت الرقم ... فتحت الصفحة و شفت أرقام ... عقلك ما عم يستوعب شو عم يصير مكتوب قدامك أرقام بالألفات و متلبك و خايف و مستعجل و كل الغراض ... بدك حدا من عيلتك ضابط أعصابوا يقرا و يترجملك شو عم يصير .
كل هل الكلام صار معي , النتائج طلعت حوالي 12 إلا عشرة دقايق و مفروض كان تطلع عل الساعة 4 ... التقنين عل الساعة 12 ... النت معلق لانو الكل عم يحاول يجيب العلامة بكل هل اللبكة و الخوف انفتحت الصفحة و طلعت أرقام ... مالي فهمان شو الرقم النتيجة من أديش ... شو عم يصير . ناديت أختي الصغيرة تشرحلي شو الرقم المكتوب تحت النتيجة أنا قلبي لح يوقف من غير شي .
الحمد الله علامتي منيحة و كلشي منيح و الموضوع مشان أحكي عن النصايح اللي ممكن تفيدكون بالتسجيل بالمفاضلة .
بعد كل هل اللبكة و كل هل الخوف أنت بتجي للمرحلة اللي بعدها و اللي هي التسجيل بالمفاضلة ... بعد فترة من ما تطلع النتائج و بعد فترة من الوقت اللي لح تطلع فيه المفاضلة لح تنحط بموقف مرعب و اللي هو التسجيل ... بهل الموقف بتفوت أنت لحالك و أنت بتختار أهلك ممكن يقولولك أي شي بس الاختيار أنت بتعملوا و ما حدا بيدرا فيه .
الوراق المطلوبة هي على ما أعتقد تلت صور للهوية و مصنف فيه وراق بتحكي شو بيطلعلك و شو ما بيطلعلك بالمفاضلة العامة و طوابع تلاتة من تبع البحث العلمي تلاتة من تبع نقابة المعلمين و تلاتة من تبع المالي اللي سعرون 30 أول تسعة من اللي سعرون 10 .
هدول هنن الوراق ... شو بعدين ؟... بتدخل على القاعة اللي فيها كمبيوترات مشان تشوف المفاضلة و بيسألك شو الفرع اللي بدك ياه بتنقلوا الفروع اللي اخترتها بالرقم و الاسم وبتتأكد بعينك لانو الغلط هون بيجيب أخرتك ... المهم بعد ما تتأكد من كلشي بتاخد الوراق و بتوقع على أنك مسؤل عن كل المعلومات الموجودة بالورقة .
المهم أنك تكتب لتوصل لحد الأمان لأنو بحال ما أنقبلت بأي شي صار عندك يا لازم تعيد البكلوريا يا لازم تقدم على الموازي .و مفاضلة الموازي نفس الكلام بس زيادة عليها الوصل تبع سلفة الـ 25,000 اللي بتسلمها للبنك .
و برجع و بذكرك المهم يكون معك قلم أزرق ... و الطوابع بتبلون من الاسفنجة مشان تلزقون لاني كنت عم استخدم لساني و عندي تسع طوابع من تبع المالية تبع العشرة بتروق من هون لتخلص بينشف ريقك .
بتوقع هاد كلشي لليوم فيكون تبعتولي رسالة بالموضوع اللي بتحبوا تحكوا عنو أو حتى أي سؤال و البريد موجود على اليسار بتوقع شغال بعد ما جربتوا .
تم نشر هذا الموضوع بتاريخ 7\8\2014 و مازال العمل مستمراً ...
بعد كل هل اللبكة و كل هل الخوف أنت بتجي للمرحلة اللي بعدها و اللي هي التسجيل بالمفاضلة ... بعد فترة من ما تطلع النتائج و بعد فترة من الوقت اللي لح تطلع فيه المفاضلة لح تنحط بموقف مرعب و اللي هو التسجيل ... بهل الموقف بتفوت أنت لحالك و أنت بتختار أهلك ممكن يقولولك أي شي بس الاختيار أنت بتعملوا و ما حدا بيدرا فيه .
الوراق المطلوبة هي على ما أعتقد تلت صور للهوية و مصنف فيه وراق بتحكي شو بيطلعلك و شو ما بيطلعلك بالمفاضلة العامة و طوابع تلاتة من تبع البحث العلمي تلاتة من تبع نقابة المعلمين و تلاتة من تبع المالي اللي سعرون 30 أول تسعة من اللي سعرون 10 .
هدول هنن الوراق ... شو بعدين ؟... بتدخل على القاعة اللي فيها كمبيوترات مشان تشوف المفاضلة و بيسألك شو الفرع اللي بدك ياه بتنقلوا الفروع اللي اخترتها بالرقم و الاسم وبتتأكد بعينك لانو الغلط هون بيجيب أخرتك ... المهم بعد ما تتأكد من كلشي بتاخد الوراق و بتوقع على أنك مسؤل عن كل المعلومات الموجودة بالورقة .
المهم أنك تكتب لتوصل لحد الأمان لأنو بحال ما أنقبلت بأي شي صار عندك يا لازم تعيد البكلوريا يا لازم تقدم على الموازي .و مفاضلة الموازي نفس الكلام بس زيادة عليها الوصل تبع سلفة الـ 25,000 اللي بتسلمها للبنك .
و برجع و بذكرك المهم يكون معك قلم أزرق ... و الطوابع بتبلون من الاسفنجة مشان تلزقون لاني كنت عم استخدم لساني و عندي تسع طوابع من تبع المالية تبع العشرة بتروق من هون لتخلص بينشف ريقك .
بتوقع هاد كلشي لليوم فيكون تبعتولي رسالة بالموضوع اللي بتحبوا تحكوا عنو أو حتى أي سؤال و البريد موجود على اليسار بتوقع شغال بعد ما جربتوا .
تم نشر هذا الموضوع بتاريخ 7\8\2014 و مازال العمل مستمراً ...
