أكتر إنسان تأثرت فيه من جهتي هو الدكتور إبراهيم الفقي ...
متل ما قريت عنوا فهل الدكتور شخص رائع ... بكل المناحي , بلش فقير و اشتغل بمجالات كتيرة و أخيراً صار إنسان بيسوى ... كل الناس بتحضر محاضراتو...
الكتب تبع الدكتور مفيدة جداً بمجال التنمية البشرية ... و اللي جذب انتباهي لكتبه هو سهولة الكتب و بساطة العرض ... و حتى انتقاله إلى القرآن كدليل لإثبات بعض أفكاره ...
و أنا أكبر فكرة خطرت على بالي و لساتني بشتغل منها مستوحيها من كتبه ... الفكرة هي:
نحن لا نبدء من الصفر و لكن نبدء من حيث أنتهى الآخرون .
ولي منها ممكن تقول أنو كل انسان خبرة وانت بس تتعلم منو لهل الإنسان بتتقدم كتير بحياتك... خبرتو على خبرتك بتطلع خبرة كبيرة ... لو كانت الحياة سباق بهل الخبرة هي دفعة لتسبق الكل ... بيصير عندك خبرات العالم ما عندا ياها ... و لهل السبب قررت أتعلم لغة الجسد و الفراسة ... مشان أفهم أي شي ممكن أفهموا عن البني آدم اللي شايفوا ...
مبارح كنت عم لوب على كتب الدكتور إبراهيم الفقي ... و قررت أرجع اقراهون كلون ... و حملون على حسابي بالـ Dropbox مشان العالم تستفيد منون ... لح أتأكد أنو الروابط شغالة و بس خلص من قراية كل الكتب لح اجمع الروابط بمقال واحد و طالما الروابط شغالة ح يكون هل المقال متوافر ... و بتوقع يضل متوافر لأنو أنا ما بستخدم الـ Dropbox بكل الأحوال ...
لح أعمل تلخيص لكل الكتب ... كل كتاب بكتابو ... و اللي هي شغلة على ما أتوقع مفيدة ... لانو يعمد الدكتور بكتبو على التبحر بشكل مفرط حول فكرة نفسها ... و مع هيك التبحر غير مزعج على الإطلاق ...
بالإضافة إلى تلخيص بعض الأفكار ح عارض بعض الافكار اللي حيذكرها الدكتور نظراً لخطئها ...
بس هل الأخطاء مو فادحة ... بس خطأ بسيط علمياً غالباً ...
أي اليوم بلشت بالكتاب الأول و اللي هو كتاب :
أيقظ قدراتك و اصنع مستقبلك و ح حمل الكتاب بس انتهي منو مشان أعرف لخص الأفكار و صحح الأماكن اللي فيها أخطاء ...
و بكل الأحوال أنا بتوجه برسالة شكر كبيرة للدكتور إبراهيم الفقي ... هو إنسان عظيم ... و كتبو كتير مفيدة بتعزيز الثقة بالنفس و دفع الناس للتقدم ...الله يرحمك يا دكتور ...
أنا ما كان ممكن كون اللي عليه بهل اليوم لولا هل الكتب ...
أي و مازال العمل مستمراً ...
تم كتابة هذا الموضوع بتاريخ 9/12/2104
