من فترة كنت عم أقرا بالكتاب الخاص بتمارين الرياضية , و اكتشفت نفسي عديم الليقة البدنية , و بلشت برنامج مشان حسن وضعي ( كلمة برنامج اتقل من الحقيقة ) أنا كل اللي عملتو كان أني صرت أعمل تمارين رياضية ... و للصراحة من زمان ما كنت مهتم بهل التمارين اللي بتتعلق بكمال الأجسام ...
المهم بعد كم يوم صار ممكن قول أني أنسان بدون لياقة بدنية ... كنت من قبل مكرسح ... بس عم أتحسن ... و الحلو بالموضوع أنو الكتاب مصمم لهدول اللي عندون مشاكل باللياقة ( الكبار بالعمر * ديسك * ترقق عظام ) ...
الكتاب حلو ... و الكاتب معالج فيزيائي ... و النصائح موجهة للكل ... و الموضوع الأساسي أنو لازم تحافظ على لياقتك البدنية مشان ما تحتاج حدا بس تصير كبير ... على مبدأ أنك بتقدر تلبس جراباتك و أنت صغير بالعمر ... و بهل التمارين ممكن تضل على قدرة على أنك تحني لتلبس جراباتك ... إذا تفرجنا على القصة من منظور معين بتلاقي القصة ما بتستاهل ... ( لبس الجرابات مو هل المهمة السهلة ؟ ) بس من منظور تاني ممكن تلاقي هل القصة بتستاهل ( تفرج من وجهة نظر واحد عمروا 60 أو 70 سنة وعندوا مرض ديسك ... و كل فترة جسمو بيتوجع من الأعصاب ... عنجد بتلاقي هل الزلمة مستعد يعمل أي شي مشان يقدر يطخي و يلبس جراباتو لحالو ... أو يرفع شي من عل الأرض ... أو حتى يكون قاعد على الكرسي و يوقف بدون ما يلاقي هل القصة بدها كتير تعب ) ...
و من موضعي السابق "اللغة بالنسبة لنا " بقدر قول أنو كل هل الكلام ما ممكن يأثر على حدا ... لانو الكلام ما بيعطي قدروا إذا الإنسان ما بدوا يعطي قدر ... لهل السبب أنا بعطي هل المثال ... أنت و هلق قاعد عم تقرا الموضوع خود نفس و شوف أديش هل النفس سهل أنو يتاخد ... و بعد ما تاخدوا استنى ... ( اتروك هل الكلام اللي لح قولو بمخك بدون ما تعمل شي ) ... و بس ترشح أتذكرني ... و خود نفس ... شوف أديش بيوجعك حلقك و بتحس حالك مالك قدران تتنفس ...قارن بيناتهون ... الفرق واسع و القصة كلها سبعة تيام و بيخلص الرشح ... طيب الديسك بيضل طول العمر ... و الكبر بالسن أمر محتم ... ليش تستنى لحتى تصير كبير بالعمر و تتفاجأ أنك ما بتقدر تعمل نص الغراض اللي بتعملها هلق ...
بتمنى يكون هل الكلام مقنع للبعض ... و التمارين اللي عم نحكي عليها بتصير بالبيت و بدها 3 ل 5 دقايق ... و متل الحكمة اللي نشرتها قبل هل الموضوع ... " البأس و طول الآناة يفعلان مالا يقدر عليه البأس و الغضب "
و لح حاول أنشر هل التمارين بالمدونة ...
وكالعادة , مازال العمل مستمراً ...
وتم كتابة هذا الموضوع بتاريخ 8/9/2014
و تم النشر بسبب عدم توافر النت بتاريخ 10/9/2014
