بالنسبة للمذاكرات بلشوا الدكاترة يحددوا وقت المذاكرات ... في عنا بطلاب الطب مشكلة خطيرة جداً ... ولازمها علاج , العلاك اللي بلا طعمة ...
يعني بالنسبة لمسودة الامتحان بتسمع الحكي عل الفيس بتقول ما حدا حابب الفكرة الكل كرهان المسودة ... اليوم حضرت التصويت مشان البرنامج ... الطلاب اقترحوا 4 برامج ... 70 صوت للمسودة 5 أصوات للبرنامج التاني شي 3 للبرنامج التالت و واحد بس للبرنامج الرابع ... يعني علاك بشكل مو طبيعي ...
اللي اقترحت البرنامج التاني ما صوتت عليه ... بتحس الطلاب كلون عندون توقيت بيناسبون , وبدون يطبقوا التوقيت عل الكل , ما حدا مستعد يتنازل شوي ...
و بالفيزيولوجيا ... اجى الدكتور وقال الفحص الاسبوع بعد الجاي ... ح نعمل النظري و العملي مع بعض ... قام طالبين احتجوا انو مذاكرة النسج يوم الخميس بنفس الأسبوع ... و أنا من جهت عم اتطلع عل الطالبين ... مذاكرة النسج كلها ع بعضها كم محضر ... وفي عندك تنين , تلاتا , اربعا و الخميس الصبح قبل ما تصير المذاكرة ... وين مشكلتك ؟
بقى الطلاب كلون بيحبوا يعلقوا من مبدء أنا موجود ... مو أكتر ...
هلق بالنسبة للعلاك المستفحل ... لازم تشوف دكتور النسج ... من بداية الفصل و نحنا بنرسم الرسمات تبع النسج ... من جهتي برسم الرسمة ضمن الجلسة , بفرجي الدكتورة رسمتي و باخد ملاحظات , وفي مرة سمتلي بدني من كتر ما نقت على الرسمة , و عطتني كتيييير ملاحظات ... هلق كل هل الكلام مشان 4 علامات وكنت من جهتي مستعد اشتغل كل هل الشغل مشان هل 4 علامات ...
بس قال شو ؟ الدكتور عصب لانو طريقة الإعطاء تبعوا معتة كتيييير لدرجة أنو الواحد مستعد يموت ولا يحضر محاضرة الدكتور ( للصراحة الدكتور عصب لانو ما حدا عم يحضرلوا ) و قرر يخلي هل 4 علامات على الحضور , مو على الرسم .
بمعنى آخر , تضربوا انتو و الشغل تبعكون اللي مضيتوا كل الفصل وانتوا عم تزبطو مشان هل 4 علامات ... تعوا احضروا وخدوا العلامة ... طيب يا دكتور المواصلات 50 ليرة الباص يعني 100 ليرة روحة و رجعة ... يعني 3000 ليرة بالشهر ... طيب أنا خرجيتي 1500 بالشهر , شو أعمل اسرق مشان اقدر انزل بالباص مشان احضر محاضرتك المعتة ؟ و لا اهري صباتي و رجلي وانا عم امشي بالشوب ... بسفقة الشمس , و العرق عم يكت مني , مشان فوق على قاعة فيها 500 طالب نفس القصة , وريحة العرق معبية الجو ... مشان أحضر ؟
والله انا مو من نوع العالم اللي بحب احكي على اساتذتي أو دكاترتي ... بحب من جهة بس لاقي خطأ لوم حالي ... ودافع عن الدكتور وقول :
قد ما كان بيضل عندوا خبرة اكتر مني .
بس والله هل الدكتور في شي واشش بمخو ... علاك واكل هوا ... يضرب هو والمحاضرة وهل الأربع علامات ... والله الجو مقرف ... والمادة مو معتى الدكتور هو المعت ...
مو طبيعي هل الكلام ... عندي دراسة كميا نظري العملي ... و تشريح الجلسة 7 و الحلسة 8 و الجلسة 9 مشان الامتحان ... و الفيزيولوجيا نظري و عملي العملي ... و النسج 8 جلسات مشان المذاكرة ... و عم زبط ملف النسج مشان ننزلوا قبل المذاكرة ... ولسا في مبادرة الفريق ... مو طبيعي شو صار ...
ومازال العمل مستمراً ...
تم كتابة هذا الموضوع بتاريخ 11\5\2015
