بالنسبة للمخططات تبعي قررت ضيف موقع جديد حط فيه شغلات بالمجال الطبي ... ح حاول اشتغل على الموقع بناء على قراية من مراجع مختلفة بمجال معين مشان حدد شو بدي احكي ...
عم فكر خلي المواضيع بعرض بفواصل زمنية اسبوع .. ممكن بلش بالشغل عليه و ضيف عليه الرسم اللي ممكن أعملو ...
هلق الموقع ح يطلع بايخ إذا بلش بمقالة وحدة وصورة وحدة , ح يطلع بايخ كتير ... لهل السبب ح تابع الشغل من هون لبداية الصيف و انا عم جهز فيه مشان اقدر اعرضوا و يطلع بشكل حلو ... ح تابع تحديث العناوين تبع المشروع الجديد و ما عم اعرف شو سميه ...
أي غير هيك ... عم فكر تابع شي من قبيل المنهج الجامعي تبعنا و حاول جيب شي من قبيل الجامعات التانية ... إذا صار في عندي شي محرز ممكن اطلب من بقية رفقاتي مشان يساعدوني ...بس هديك المرة حاولت احكي مع واحد من رفقاتي مشان ينضم معي ... بس كان كلامو بيزعل بس حقيقي ... انا عندي فكرة بس ما بعرف قديش مستعد نفذ ... على هل الاساس صار عندي شي 20 موضوع ممكن اكتبوا بالموقع الجديد و جدول المقالات إذا طلعوا المقالات محرزين مكن ينضموا رفقاتي معي ...
أي بتوقع هاد كلشي .. من هل الناحية ...
هلق من ناحية الفريق عم يصير مشاكل من جهتي ما لي عرفان شو عم يصير هلق بس ح استنى لبكرا مشان شوف على شو ح يرسى الأمر وعلى اساسو بعرف شو بدي احكي ...
بتوقع هاد كلشي ...
ومازال العمل مستمراً ...
تم كتابة هذا الموضوع بتاريخ 2\5\2015
