اليوم بلشت بالفيديو تبع التشريح ... كتير معت الشغل ... كمبيوتري معالجو ضعيف بقا مشكلة التصميم تبع الفيديو كتير كبيرة خصوصاً بعد ما صار عندي شي 300 فريم مشان اعمل شي 30 ثانية ...
عم فكر خفف السرعة لشي 12 فريم بالثانية ... و ضل عم اشتغل بالفيديو من هون حتى يصير لشغل فيه مستحيل وقتها بنقل على فكرة اعمل اكتر من فيديو و اجمعون مع بعض ...
ما بتوقع تكون الفكرة كتير سيئة ...
المهم قبل شي يومين او تلت تيام حملت الصور تبع النسج عل المجموعة ... صار عندي 83 لايك ... للصراحة طاير عقلي بحالي ... خصوصاً انو بحياتي ما كنت جيب اكتر من شي عشر لايكات .... هههههههه
المهم مبسوط بحالي لاني مأنجز شي ... و ح ضل عم اشتغل عل الفيديو لاني عنجد حابب انجز شي ... يعني و ان كان الشغل صعب ... ما حدا قال انو ح يكون سهل ... او لازم يعني ...
بالنسبة للمجموعة تبع مبادرون ... انزلت عل السوق و جبت المطاط ... حملت فيديو من النت مشان الاساور وحطيتو عل المجموعة ... و عملت شي اربع اساور ... هي منجزاتي ... بس ما عملت شي تاني ...
صح بدي نق عن هي البنت الغليظة تبع المجموعة ... يعني مو طبيعي الوضع ... لدرجة الوقاحة انو بس اجانا واحد من المجموعات الاكبر مننا مشان يعطينا كم نصيحة , ما كانت تعرف تضب لسانها بحلقها ... مو طبيعية يعني بمرحلة صارت عم تسكت الشب اللي عم يعطينا نصائح مشان تعلك ... مو مشان تحكي , لانو عنجد لو حكت شي عليه القيمة كنت قلت مشان تحكي ... بس ضلت عم تسكت الشب اللي عندو خبرة مشان تعلك ... و كلام بلا طعمة ... يقطع عمرها عل الغلاظة ...
صح ... باعتباري ما بسبت على شي و تجميعي متل الناموسة ... قررت اتعلم حياكة .... صحيح الشغلة بتضحك بس على حسبب مخططاتي ح اتعلم وحيك شعار على مريولي ... ههههههههههههههه
عنجد مصروع ... ما بعرف كيف فايت طب بشري ... او مستقبلياً انا بالمشفى وفايت راسم على المريول تبعي ... بيطلع علي المريض بيقول لحالوا اكلنا هوا ... إذا هيك منظر الدكتور ....
المهم ... إذا تعلمت حياكة و حكت عل المريول ... أكيد ما ح ضل لابسو من هون لاتخرج ... انشالله ...
المهم بتوقع هاد كلشي عندي ياه ...
ومازال العمل مستمراً ...
تم كتابة هذا الموضوع بتاريخ 28 \3 \2015
وما حملت الفيديو تبع التشريح لاني ما عم اعرف زبطو ... انشالله بكرا بحملو ...
