اليوم ... او للصراحة مبارح زبطت جزء من المسودة ... كانت المسودة كارثة بكل ما تعنيه كلمة كارثة ... يعني الالوان غامقة و الـ .... ما بعرف شو بس ما حبيتها , لسا لازمها شغل كتير ..

الرسمة مفروض تكون تبع الفيزيولوجيا الاسبوع الاول ... هلق مبسوط أني لقيت طريقة مشان كبر الرسمة و مبسوط اني بعد كم ساعة عرفت اعمل خلفية و زبطها ومن قريبو ... بس لازم تكون الخلفية افتح والرسمات اكبر و الكتابة اقصر و هيك شي ...

الرسمة لساتها بطور التجربة و للصراحة مبسوط كتير من دقة الصورة لاني كنت متوقع انو ما ينقرا شي منها ...

و هي الصورة :

هلق بدي غير الخلفية اليوم انشا الله و بس خلص منها ح انقلها عل التاب و زبط المعلومات و انا عم راجع القسم ... هيك بتكون المعلومات صحيحة انشالله و الشغل بيكون اسهل و العرض ادق ...

بالنسبة للكيميا لسا يادوب قاري منها كم كلمة لهل السبب لسا ما عملت شي مشان هل المادة ... بس انشالله بقدر اعمل شي بهل كم يوم ... المهم مبسوط انو الموقع عم يحمل مقالات تبع الحكم وللصراحة انا مبسوط فيهون لهلق ... بتوقع ما عندي شي احكي عنو ...

صح في يرقان من النمط A و انفلونز الخنازير ... هههههههه شي للطقيق ... المهم انشا الله بضل عايش ... صار لازم ما قرب على حدا عم يعطس و إذا صار شي لازم بطل دوام من النظري عل القليلة و صير داوم بس العملي ... بالنسبة للريقان الحمد المرض مو مميت بس مزعج ... قبلان انزعج بدل ما موت ... ههههههههههه

لهلق عم احضر كل المحاضرات كان الدكتور تبع اللغة مرضان و بنص المحاضرة طلع و غسل وشو بقنينة مي من واحد من الطلاب ... هلق انا مو كتير متأكد بس كأنو غسل وشو فوق علبة الكهربا ؟ ... إذا صحيح فالدكتور مجنون ... كان عم يجعو راسو بيصير كلشي عم يجعو ...

أي هاد كلشي ... ما عم اقدر اكل شاورما لاني خايف يصرلي شي ...

ومازال العمل مستمراً ...

تم كتابة هذا الموضوع بتاريخ 13\3\2015