الحمد الله مبارح الليل خلصت الرسمة تبع النسج و ناوي بكرا بلش الفصل التاني تبع المناعة انشا الله
اليوم الصبح حاولت زبط الرسمة و الحمد الله حاسسها طلعت منيحة ...
هلق انا ما عم ارسم شي مبدع أو عم ارسم شي خطير كتير , بس للصراحة وانا عم فكر بشرح للفكر لقيت أنو الفكر عم تطلع منيحة ... عطيت الرسمة لرفقاتي و هنن ح يقلولي إذا منيحة أو لا ...
المهم هاد كلشي ...
بالنسبة لبكرا عنا ورشة عم عن الخارطة الذهنية ... انا كنت بكره الشب اللي ح يعطي الورشة , بس الشب فهيم و بتوقع شغيل , مقارنة بمجد هو كتير غليظ بس فهيم ... يعني مجد من نوع العالم اللي ما بيحب يزعل حدا و لهل السبب بنضل أو نص ساعة من كل اجتماع عم ننطر العالم المتأخرين و الساعة اللي بعدها عم نكت عن العقوبة اللي بدنا نفرضها على المتأخرين و أخيراً ما بنعمل شي ...
لازم شوية حزم ... يعني مو ضروري ننطر نص ساعة مشان المتأخرين حاجة عشر دقايق ... وبس يجو لازم نقلون خلص هي الضريبة دفعها من تم ساكت ... مو ضروري تأضي نص ساعة تانية عم تناقس على أنو تأخيرك مبرر ...
بس للصراحة أنا دوماً من العالم اللي بتبهدل أكتر من اني بتفهم ... لولا أني مابعرف ضل ساكت لكنت متخانق مع نص خلق الله ...
يعني واحد بيتأخر , بنزعج منو ... بدل ما عبر عن انزعاجي بضل ساكت وبتخلص القصة ... انا مو من النوع اللي بيتفهم اللي عم يصير و بتوقع هي سيئة فيي ...
بس الحسنة أني بقدر ضل ساكت ... المهم هاد كلشي عم نق لانو بكرا الاجتماع عل العشرة واكيد ح يتأخروا ... ما ح اقدر افتح تمي بحرف , بقى جاي نق هون ...
ههههههه المهم بتوقع هاد كلشي ... مازال العمل مستمراً ...
تم كتابة هذا الموضوع بتاريخ 18\3\2015
ييي صحيح نسيت حمل الصورة بعد تعديلات الظلال ...هي الصورة :
