يوم الأربعا ما درست شي ... الخميس رحت على ورشة الخارطة الذهنية ... اليوم الجمعة ضاع ويادوب قريت محاضرة ...
مو معقول كيف ممكن للواحد يضيع وقت ... ما بعرف عن شو بدي احكي ...للصراحة الكتابة بالمدونة صار متل مذكرات بالنسبة إلي ... يعني حكي مشان اقدر مستقبلياً ارجع للكلام تبعي ...
هلق الورشة كانت من جهة علاك ... للصراحة ما بعرف بس عل الأغلب ما ح احضر ورشات تانية ... تضيع وقت ... بس الله يسلم ايدين الفريق تعبانين على الموضوع ...
توقعت الموضوع يكون مدسم اكتر يعني يعرضو افكار اكتر و نحكي عن شي مهم ... بس صارت الجلسة بس انو المخ بيستوعب الصور اكتر من الكتابة لهل السبب إذا عملت خارطة بتعتمد فيها عل الرموز بتنحفظ اسرع من الكتابة ...
مو معقول , بس عنجد انا بعتمد على هل الطريقة , بس كنت عم ادرس ديانة بالتامن كنت عم احفظ اسم ما كان ينحفظ معي "ابن ابي عبد الله السهام " و للصراحة الطريقة اللي حفظت فيها الاسم كان اني رسمت سهم لفوق بعدين واحد لتحت بعدين إشار ايدين وسجود و بعدين قوس ... الفكرة كانت بايخة , بس الابيخ منها اني ضليت شي عشر دقايق وانا عم عيد الاسم وما كان ينحفظ معي ...
ما عم قول اني اخترعت علم , اللي عم قولو انو مضمون الفكرة كتير سطحي ... وما عم نحكي عن اكتشاف نوعي متل الذرة ... عم نحكي عن طريقة دراسة واحد فكر فيها و ممكن يكون كتير عالم مفكرين فيها ... بس الفرق انو هو نظمها ...
كتير احيان بفكر بشي بيطلع في حدا مفكر فيه ... للصراحة هاد بيصيب بالكآبة من جهة ... خصوصاً اني بفكر حالي ذكي انو خطرت على بالي هل الفكرة وبيطلع في كتييييييييير عالم خاطرة على بالون هل الفكرة ....
ههههههه صحيح في شغلة مروق عليها ... الشب اللي كنت ما حبو ... ح بلش القصة من الصفر مشان اقدر اشرح شو صاير ... الشب مرافق صبية ( التنين ما بحبون ) ... المهم في مرة كانت الصبية عم تناقش بشراسة , قام استخدمت اصبعتها و اشرت عل اللي عم تناقشو , بعدين الشب قال انو معنات هل الحركة هي التهديد بلغة الجسد ( اكيد ما كان في خناقة رسمية بس كان الجو تنكيت و البنت كانت منفعلة ... للإشارة ما ممكن يصير عندك مشكلة من شخص واحد لازم يكون في شخصين منزعجين , بهل الحالة ما كان في غير البنت ) المهم انا مو طايق التنين , لهل السبب ما عم شارك بس لاحظت كلام الشب واخدتو بعين الأعتبار ... بعد شي تلت اسابيع (يعني قبل مبارح) كان الشب عم يعطي الورشة , وانا كنت من جهتي متجاكر منو ورافض كلامو ... لهل السبب من بين كل وضعيات القعدة اللي بتريحني قلت لحالي خليني اتغالظ عليه واقعد القعدة اللي بتدل اني رافض الكلام اللي عم يحكيه وانا حتى عم قيمو ( للملاحظة انا قاري كتابين عن لغة الجسد وبالنسبة لألي ما استخدمت هل المعرفة لقبل مبارح - ما ممكن تتفاهم مع حدا بلغة الجسد إلا إذا كان قاري شي كتاب . لانو ما ممكن تبعت رسالة )
المهم بنهاية الجلسة قرر الشب يعطينا كم كلمة عن نتائجنا ... بعد ما عدد :
فادي كنت تحط إيدك على تمك وانت عم تحكي يعني ما لك واثق من حالك
دانا كنت تحكي بسرعة يعني متوترة
ايهم ( انا ) كنت قاعد وباينتك كلامي مو عاجبك ...
هههههههههههههه حتى كون صريح انبسطت بحالي ... قلتلو لا والله يسلم ايديك و عنجد شغلك حلو ...
للصراحة عنجد شغلو حلو بس مو يعني بأي مرحلة اني صير حبو كتير ... يعني شوي بيكفي ...بس مو كتير ...
المهم بعد ما انفلتت عل الحكي ما عد حدا يسكتني ... المرة الجاي ما ح بلش الموضوع بمابعرف عن شو بدي احكي ... لكني ما بسكت ...
أي خلصت اول محاضرة مناعة وح بلش بالمسودة تبع الصورة ... بكرا ح اسهر وانهي الصورة انشالله ... بركي بعد بكرا واللي بعدو بخلص الصورة تبع الفيزيولوجيا الاسبوع الأول و التاني ...
لاني على هل المعدل كتير ح قصر ...
ومازال العمل مستمراً ...
تم كتابة هذا الموضوع بتاريخ 21\3\2015
