صرنا بتاني يوم بالفصل التاني ... صحيح ما لحقنا ناخد شي ,بس للصراحة بلشت دراسة مشان ماقصر ...
للصراحة ما عم اعمل شي تاني بين ماعندي وقت وبين علقان بمسلسل جديد... شنجيكي نوكيوجين ... للصراحة ممكن كتييير كون مخربط بالاسم ... بس مبسوط اني عرفت هجيه ... مفروض يكون "هجوم على العمالقة " بس لهلق انا شايف العمالقة هي اللي عم تهجم ... المهم الفصل لهلق معت ...
لساتني على مخططاتي القديمة ... بس زدت كم شغلة و حذفت شغلة على ما اعتقد ... كنت ناوي ما اكل سكر ابداً ... مشان الصحة , بس فقست بعد كم اسبوع ... ما بقدر بحب السكر ...
هلق باعتباري صرت بعرف ارسم ح حاول ارسم اللي عم ناخدوا بالجامعة و بعد ما اجمعون بتوقع ح يطلعوا حلوين ... هلق للصراحة ما بعرف إذا لازم اعمل لكلشي ولا ضل بمادة وحدة وحاول صير منيح فيها ...
هلق بحسب خبرتي ... انا موخرج تابع كل المواد ... بالمقابل بحس مادة وحدة ما بتكفي ...ااااه الشغلة معتى كتير ...
اي هاد كل شي عندي ياه اليوم ... كنت مبارح عم اقرا من مجلة الخيال العلمي ... عن قصة , للصراحة نسيت اسم بشكل دقيق , على ما اعتقد المرض الكوني , كانت مفروض تكون قصة رعب , ما بعرف كيف قلبوها رومنسية ...
هههههههه مسخرة ... اااااااه بالنسبة للبرمجة متفائل شوي لاني للصراحة بعرف لغة HTML و بحسب حكي اللي عم تابعو قال ممكن كتير تساعدنا ... ما ح نق على البرامج اللي بدي نزلها و زبطها ... لهلق ما عم تشتغل ... بس بالمختصر المفيد ... عندي فكرة و تعلمت صمم و عم اتعلم برمج و صار عندي برنامج ... كم يوم و بصير بعرف سكج حالي بالبرمجة , بيصير بقدر خبص على ابو عماها ...
قبل كم شهر ماكنت بعرف شي ... و للصراحة لو ضليت عم اتفرج على التلفزيون و ضيع وقتي كانو هل كم الشهر حيمرو بدون ما يتغير شي ...
اي ... قربو الحكم تبع كتاب الثقة و الاعتزاز بالنفس يخلصو ... صار لازم اقرا الكتاب اللي بعدوا مشان لاقي شي احكي عنو ...
بالنسبة للفئة لهلق ما نقلت , مو طبيعي ما حدا عم يرضى ينقل ...كلو حابب الفئة تبعو ...
المهم مازال العمل مستمراً ...
وتم كتابة هذا الموضوع بتاريخ 2\3\2015
